الأربعاء، 22 أكتوبر 2008

قلت أصل

زمان قالو في الأمثال إن إنتهي الأصل دليله فعله

ودي حكايه تبين صدق المثل

والأصيل أصيل ولو نام علي الحصير

********************

هنت علي ناس كنت في الخير أجالسهم

جرحوني و ياما دويت انا جروحهم

طلعوا روحي بعد ما كنت انا روحهم

بعدو عن مجلسي بعد ما كنت دايما في ريحهم

قصرت إيدهم بالسلام بعد م قضيت مصالحهم

ورجلهم نسيت دارى بعد ماكنت نور مطارحهم

كانو يغلطو ويخصمو وأروح اصالحهم

عمرهم ما قدمو لي سبت مع إني طول

الأسبوع معهم

في فرحهم أقدم دهب وفي فرحي فاضيه

صفايحهم

في ترحهم يفتكروني وينسوني في تفاريحهم

العيب مش في الزمن العيب فينا

قلت الأصل بقت معلقه في بترينة

والخشي مات وبقيت قلة القيمه

وقعو عليه بخساره وانا اللي كنت بربحهم

أبيض انا من جوه وفاتت عليه تباريحهم

أنا مش قليلة الحيله لما بلي بيهم أصارحهم

كفايه عليه أنهم أ كلوا بعض ونشرو فضايحهم

الله يكون في عوني ويعوضني عنهم خير ويسامحهم

هناك 5 تعليقات:

Unknown يقول...

السلام عليكم
ورحمةالله تعالى وبركاته
(اتق شر من احسنت اليه)
قالها من كانوا قبلنا
واناأصدق كل ما قالوه
لانه تجربة اجيال واجيال
لكن برضه هناك مثل يقولك
اعمل الخير وارميه فى البحر
لان ربك سبحانه وتعالى قال
(ومن يعمل مثقال ذرة خيرآ
يره,ومن يعمل مثقال ذرة
شرآ يره)صدق الله العظيم
احتراماتىلكلامك الجميل
اوىىىىىىىىىىىىىىىى
ياااااااااااأستاذة.

وفاء بركات يقول...

السلام عليكم
شكرا علي الزيارة والتعليق.
الحمد لله بيعمل الخير لله وحده ...بس احيانا الواحد بيفيض بيه.ربنا يتولانا
برحمته
تحياتي

Maha Shahen يقول...

اهى دى هايله بجد
بس احيانا احنا اللى بيكون العيب علينا بنثق وندى أمان لناس يغدروا بينا, ومش غلطتنا أننا وفينا
عمر الطيبه ما كانت غلطه ’ عامة هما الخسرانين
دائماً موفقه فى الأبداع

ممكن اديكى نصيحه بسيطه اذا تسمحيلى
خلى التعليقات فى صفحه لوحدها مش فى أطار منبثق
علشان فى ناس مش بتعرف تعلق بالشكل دا
بتفضل تدور على علامة الكتابه ومش بتلاقيها ومبتعرفش انها تستخدم ال tab
ولو كترت التعليقات بيكون صعب تفضل تضغط تاب علشان توصل لمكان الكتابه
فرجاء خاص لسهولة التعليق علي القراء
غيريها
من قايمة تخصيص ثم أعدادات ثم اضغطى علي تعليقات
بعتذر لتدخلى
خالص تحياتى وتقديرى ليكى

وفاء بركات يقول...

الأخت الفاضله نور

انا مش عاوزه اكون متشأمه الناس اللي من النوعيه دى كترو قوى والواحد
إحتار في التعامل مع الناس ياخد بالظاهر علي الوشوش ولا ياخدها من قصيره وما يعملش الخير من أصله.
لكن طبع الواحد بيغلب عليه مقدرش اشوف حد محتاجني وتأخر عنه .. وعلي رأيك هما اللي خسرانين

راح أعمل بنصيحتك بخصوص التعلقات لك تحياتي

وفاء بركات يقول...

الأخت الفاضله نور

انا مش عاوزه اكون متشأمه الناس اللي من النوعيه دى كترو قوى والواحد
إحتار في التعامل مع الناس ياخد بالظاهر علي الوشوش ولا ياخدها من قصيره وما يعملش الخير من أصله.
لكن طبع الواحد بيغلب عليه مقدرش اشوف حد محتاجني وتأخر عنه .. وعلي رأيك هما اللي خسرانين

راح أعمل بنصيحتك بخصوص التعلقات لك تحياتي