الاثنين، 31 ديسمبر، 2007

رسالة الى.......؟

رسالة الى .........؟
كل سنة وانت سعيد بجرح قلب جديد
كل سنة وانت سعيد بدموع وأهه وتنهيد
كل ذنب اللى اندبح منك انه فى يوم صدقك
وفى غرامك وقع
وانه فى عنيك انخدع واللى زاد فى الوجع
خالت عليه لعبتك واتسرع فى محبتك
لما قلت ان الدنيا من غيره عدم
وانه حبك الأول والأخير والنتيجة انه فيك اتصدم
أتارى قلبك لامرة حب ولافى يوم دق
خانك غرورك معايا لأنى بصرتى منورة
وقلبى مش بيحب الرمرمة
وعقلى راسى وعيونى مفتحة وماليش فى اللف ولا السرمحة
أنا واضحة وصريحة لامغروره ولامأنزحه
انا مش هبص ورايا
ولاعمري هطل عليك
لأنك أصغر من أنى أهتم بيك
انت سحابة وعدت على حياتى
بس ليه عند ك سؤال
ضميرك لسه نايم وعن الحق صايم؟
متجاوبش لسه فى كلام آت !
انت فاكر لما سألتك كام واحده دخلت حياتك
قلت انى ظلمتك وانك معتز بذاتك
ولما قلت لى بحبك ...وانا صديتك
قلت لى حاولى تحبينى زى ماحبيتك
قلت لك ساعتها الحب كلمة كبيرة
لازم اكون حاسة بيها
انا نجمة فى السما عاليا انا ابية وروحى سامية
ونفسى عندى غالية
احساسى ده ماهو غرور
قلت لى هحبك وحكون معاكى صبور
حاجة جويا كانت مش مصدقاك
احتفظت برأى فيك
ومشاعرى جوه قلبى خبيتها عليك
بعد فترة من التقى والإعتدال
حاولت تغير منى ماتنازلتش ولاعقلى لفكرك مال
فرغ صبرك وسقط القناع وظهر كدبك وغشك
وطلبت منك الفراق ساعتها شفت ملامح وشك
خفت منك وعر فت ليه قلبى ماملش ليك
وعقلى منخدعش لما شاف دموع عينيك
انا حقيقى بشفق عليك وبقولك من جديد
كل سنه وانت سعيد
والدايرة ح تدور عليك وتلاقى
اللى يخلص ذنب الناس فيك

هناك تعليقان (2):

Ahmed Al-Sabbagh يقول...

ياااه كلمات رائعة يا استاذة وفاء

انا مش عارف دى كلمات حضرتك ولا منقولة

بس بجد سعدت بزيارة مدونتك

وكل سنة وحضرتك طيبة

تحياتى

وفاء بركات يقول...
أزال المؤلف هذا التعليق.