بين العقل والجنون شعره وانا بدعو ربنا انه يحافظ لي علي هذه الشعره
لما حد يقسم بأنه بيحب حد مش ضرورى انه يخاف عليه وميعرضوش
لموقف حرج ولو بينه وبين الحد ده خلاف مش يقوله ولو الحد ده طنشه
مش يلح عليه ....
كلنا بندشق بحب مصر وكل واحد فينا بيعد علي صوابعه العشرين قد ايه
هو اكتر واحد بيحبهامش بس نحب مصر وخلاص ده كمان لازم نحب بعض
ونعمل علي النهوض بمصر ونخليها في مقدمة أولاويتنا يعني احنا ممكن ندلع علي
امنا ولا ابونا ونقولهم كلام بايخ لكن مينفعش ندلع عليهم قدام الناس ونقلل من هيبتهم
وإحترام الناس ليهم انا شاطر ومحقق نجاح وحققت بطوله مسؤش فيها وأتغر وأطول لساني
وكسر وخبط في البيت وأحمدو ربنا انا اللي صيتكم عالميا وأستحسن طريقة فرد الدراع وعلو
الصوت حتي لو كانو ببتعملو معانا بإستخفاف حتي لو سمعهم بيتقل شويه ومبيسمعوناش ح خليني
انا الأبن المهذب المتربي واتعامل بأدب ...
طبعا المعني بين السطور وانت عارف قصدى ياشطور....
======================================
اللي جاى ده بقي ممكن يقضي علي الشعره اللي بقيه وحعمل زى اسمه ايه ده
اللي كان بيقول انا عندى شعرة ساعة تروح وساعة تيجي....
في رآى بيقول إن موقف أردوغان رئيس تركيا بطرد السفير الإسرائيلي
من تركيا مقصود بيه إحراج حكومة مصر امام شعبها وإثارة البلبله في مصر وانه هذا تم
بالإتفاق مع إسرائيل ..
رآى آخر بيقول ان قوات الجيش والشرطة تركت المتظاهرين يقتحمو سفارة إسرائيل
حتي يعود قانون الطوارئ وتعود الشرطة ويحكمو سيطرتهم مرة اخرى علي الشغب
ويسلم الناس بأنه لا مفر من حكم العسكر...
رآى اخر انها أجنده إسرائيليه أمريكيه لإضعاف موقف مصر عالميا وإنقلاب الرآى العام
العالمي علي مصر لضعفها وعدم القدرة علي حماية نفسها داخليا وبالتالي عدم قدرتهاعلي
حماية الأجانب الذين يعيشون فيها مما يوجب معه التدخل الأمريكي لحماية الشعب المصرى ومصالح الأجانب بها
ورآى بيقول إن الرئيس السابق وفلوله يعملون علي إشاعة الفوضي في البلاد مما يجعل الغالبيه من ابناء
الشعب يعقد مقارنه بين الحال ما قبل الثورة وما بعدها ويقول ولا يوم من ايامك يا مبارك
وانا وانت والحبايب رآينا آيه !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
====================================================
الوقفات الإحتجاجيه للمدرسين بالأخص غيظاني قووووووووووووووووى
عايزين 3000 جنيه مرتب وحافز إثابه 200% دون المساس بيه في حين لو حصلو
علي اى مكافأة او حافز حلو قوووى حققكو بس فين واجبكم انا دبلوم تجارة 72 باكتب وقرأ
والي حد ما لي رؤيا ورأى لما يجرى حولي من أحداث إمسك آي خريج مدرسة ثانوية فنية
ومليه إملا وأضحك ولا خليه يقرأ وتمتع بالتهته أغلبية خريجي المدارس الحكومية تحصيلهم زفت
العام السابق انتهي دون الحصول علي الكتب لبعض المواد إزاى نجحو أغلبية الطلبه وهم لم يحضرو وهذا
بأمر من المدرسين وهذا علي مستوى كل المراحل التعليم لكي يجد المدرس حجه لترك المدرسة
والحاق بمجموعاته الخصوصية ولوحضر هرج ومرج في الفصل وعدم إهتمام بالشرح الموجه
مبيدخلش الفصل بيتواجد في حجرة مدير المدرسة وبيمضي علي دفتر التحضير هناك كيف يطلع علي
مستوى الطلبه ليقدر مجهود المدرس في الفصل ومتابعته للطلاب لقياس كيفية تحصيلهم للماده وتوجيه المدرس
لإتباع أفضل الطرق للنهوض بمستوى التعليم احنا كان بيدرس لنا خريجي دبلوم المعلمين أساتذه علي حق
خريجي كليات تربيه محتاجين إعادة تأهيل الأساس صفر كل من هب ودب بقي مدرس حتي لو كمل تربوى
وأصبح التدريس وسيلة لكسب الرزق وليس غاية للنهوض بالطالب ولا تنتظرو تقدم هذه البلد في ظل هذه الحالة
المترديه للتعليم
أقترح متابعة المعلم ومستوى الطالب وخصم الحوافز للمدرس المقصر مش يدبحو اولياء الأمور ويبنو في ابراج
ويكدسو في اموال ويخرجوا لنا اجيال متخلفة وجاهله ونقول مصر بتتآخر ليه التعليم هو الأساس وهذا ينطبق علي الأطباء
وكل من يطالب بحقه عليه ان يؤدى واجبه كما يجب ويمحو من ذاكرته شعار علي قد فلوسهم
