مفيش زيارات من الأصحاب يمكن يكونو زعلانين من اللي كتبته ولا يمكن مش بيجو من أصله
ربنا م يجيب زعل انا عارفه أنهم أكبر من الحجر علي رأى بس يهمني لو بيدخلوا المدونة وفيه حاجة
مش عجباهم يوضحوا لي وجهة نظرهم وده حقي عليهم....
المهم أني إصبت بتخمة من البرامج وحاسة ان دماغي بقت عاملة زى البطيخه النمس وعنيه إتحوليت
وتشويش في قناة إستاكيوس أنا بقه عمالة أسمع حاجات مش عارفه أيه هيه مثل ............
الليبراليه وديمونقراط وعلشان معملش زى القذافي وألف قلت أسألكم يمكن حد منكم ينسي ويزور المدونة
ويشرح لي الكلام ده ....
كان البوست اللي فات كتبت شروط الدستور في شخص الرئيس القادم من وجهة نظرى المتواضعة
فوجئت بالمستشار طارق البشرى طالع علينا بمثل ماطلبت وزاد كمان جنسية الزوجة يجب أن تكون مصرية
طبعا أنا معرفش سيادة المسشار يمكن يكون زار المدونة وعجبة رأى يادى الهنا
بصراحة هو ليس برأى لي ولكن في المدرسة ايام م كنا بندرس في كتاب التربيه الوطنيه وكتاب التاريخ
كان مكتوب يجب ان يكون رئيس الجمهورية مصرى من أبوين وجدين مصرييين ... وكنا نسأل فيجاب علينا بالأتي
انه في حال وجود والديين أو جديين بحكم صلة القرابه تكون أسرار الدولة ليست في مأمن لأن ولاء الفرد لوطنه
فكيف لو أن هناك بعض المشاكل بين مصر ودولة يحمل الأباء والجدود جنسيتها هناك إحتمال ولو واحد بالمائه لتسريب
معلومات تخص الأمن المصرى ॥ ولو الشخص نفسه يحمل جنسية أخرى فهذا معناه أنه إبتعد عن الوطن لم يندرج في
مشاكله يمكن يكون سمع عنها ولكنه لم يعيش هذه المشاكل ممكن للرجل أن يتزوج إثنين يعيش معهما وكل منهم
تذكره دائما بأنها ملاذه وصاحية فضل عليه وأكيد انه سيميل لإحدهن , هكذا درسنا وهذا مفهومنا ,انا ياأحبابي
بتكلم بفكرى انا دون فرضه علي أحد لو به خطأ فهموني لو هناك إختلاف في وجهة نظر وضحوا لي وجهة نظركم
انا واحدة بأستقي معلوماتي عن طريق الصحف والقنوات الفضائيه وأحيانا من الإنترنيت لاأقرأ كتب ولا أحضر ندوات
لأن هذا غير متاح في الأقاليم وحتي في القاءات العائلية يعتبر الحديث في شئون البلاد نوع من الروقان وياعم فوضك
بلا وجع دماغ...
======================================================
شوفوا بقه بجد انا مصابه بصدمه صادمة صدمتني
فإصتدمت بحائط صادم فإرتطمت فصد عني فستند ت
حتي لاأقع ولإفكارى لملمت بمن أثق والكل يشير لبعضه بالخيانة
ويشكك في انتماء غير فكره بإهانه
ليس بعد صدمتي في من علا بفضل دفاعه عن أرض الكنانه
ثم علا علي كرسيه فثقل عليه فأرداه أرضا
وسقط من عنانه
ضحي من أجلي يوما فكان هذا دينا في رقبتي الي يوم القيامه
فعجل بقيامته فإستحق
أن يقلع من جدور الأرض هو وغلانه
انا سأنتظر حتي الحساب العسر وبعدها سأعتذر
وحتي هذا اليوم وإلي ان تفني الأرض لمصر وأهلها السلامة
====================================================
عرفت انهم بيدرسوا كتاب الدكتور فاروق إلباز خريطة التنمية ياترى أسمه كده ولا انا بقول وخلاص
وياريت كمان ياريت يطبقوه هو وكتاب الدكتور زويل عصر العلم وكمان كتاب دكتور محمد البرادعي
مع اني مش نازل لي من زور بس كل مافيه صالح مصر يهون علشانه كل شئ ..........
بس يارب الحال يهدأ
=======================================================
في حاجه نفسي تحصل شهداء الثورة الشباب اللي زى الفل دول ربنا يصبر أهلهم لو حد يعرف
كل واحد فيهن كان نفسه في أيه حلم يعني وكان نفسه يتحقق غير التغيير حاجه لنفسه ويحققها لحد من قرايبه
متهيئ لي إن بكده نكون حققنا حلمه لحد قريب له أو تجمع تبرعات لعمل رحلات حج أو عمرة لأبائهم وزوجاتهم
بالنسبه للمسلمين اما المسيحيين تصرف لهم نفس قيمة العمرة أو الحج نقدي
دى فكرة...........
=================================================
شفتم الفضيحة إللي بجلاجل شفتم مباحث هم الدولة
لاتعليق ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
==================================================
يجماعةعاوزين نفضي لمصر شويه المكان محاصر
صحيح إن قاسم والأربعين حرامي ويمكن يزيدو عن الأربعين
الأحد، 6 مارس 2011
يالا بينا نحلم
الخميس، 17 فبراير 2011
يالا بينا نحلم
الأربعاء، 16 فبراير 2011
اللهم أحفظ مصرنا الغالية الحبيبه وإحفظ أهلها وسماها وأرضها وحدودها ونيلها اللهم امن روعها وحقق الإستقرار
والأمان لزائريها وأهلها وولي عليها من يصلح اللهم أصلح مابين أيدى القائمين عليها والهمهم الصواب للعبور
بنا من هذا الإختبار الصعب
اللهم وحد صفوف إبناء مصر شعب وشرطه وجيش كل يعمل من أجل رفعة الوطن وكل ما فيه من خير للبلاد
والعباد ...
اللهم أرينا الحق حق وأرزقنا إتباعه وأرينا الباطل باطل وأرزقنا إجتنابه।
اللهم لا تشمت الأعداء فينا اللهم أكشف ستر المتأمرين علينا والناهبين أموالنا اللهم أقطع دابرالفاسدين
ومن يتلاعب بمقدرات هذا الوطن الغالي
اللهم أميييييييييييييييييييييييييييييييييييييين........
مررت بفترة عصيبه مثلي كمثل البسطاء في هذا البلد وكان لي رأى وكان بداخلي صراع
وإتصلت بمدون عزيز علي وعليكم أحترمه جدا جدا وأفضيت له بمخزوني الفكرى ورأى فيما يحدث
وبرغم إختلافنا في نقطة معينه غير أنه تحاور معي بكل سعة صدر وإحترم وجهة نظرى وكان حريصا علي
ديمقراطية الحوار وقبول الرأى والرأى الأخر طلب مني التهدئه وتدوين هذه الحالة ولو علي الورق لأن الأولاد كانو ا
لم يتركو لي الجهاز أو لاب
وإنتهت المكالمة علي إني سأدون ورقيا أو حتي في مسودة لأني قلت له أخشي أن رأى يصدم من يعرفني وأخسر
أحد من أصدقائي المدونين , وحين سنحت لي فرصة للتدوين فوجئت بقفل الدخول للمدونة وحاولت الدخول من مدونة محمد
إبني وجدت التعليق مغلق ।
وخلال هذه الفتره جاء خطاب التنحي ...
ووجددت نفسي في حاجة ماسه الي خروج مابداخلي
لاأنكر أن ثورة الشباب حققت أكثر مما نتمني مطالب مشروعة وكيفية إدارتهم لتحريك الثورة وجذب الكثير اليهم وتنظيم
صفوفهم برغم إختلاف إتجاتهم لكني أختلف معهم في نقطه واحده أرفض أسلوب الشباب
تعنتهم مع الرئيس بهذا الجبروت دون الحفاظ علي هيبته كرمز وأسلوب الحوار الذى ظهروا بيه علي الشاشات
الأرضية والفضائيه في حوار في مصر النهارده شاب محمد فوزى كان يتحدث بطريقه مستفزه أولا يستعمل يده مشوحا
يتحدث وهو يهز كتفيه يتحدث بخيلاء خانقة لم أقتنع به حتي بعد أن إعتذر تلفونيا للمشاهدين في برنامج مصر النهارده
ولم انسي له إصراره علي النزول لميدان التحير رافضا طلب والده له بعدم النزول وإلا لايعود للبيت مرةأخرى
لم أستغرب هذا فمن يتعامل بهذا الأسلوب مع رئيس بلده كيف يكون تعامله مع والده
وزميله المحامي وهو يتحدث رافعا حاجبه عاوجا فمه متحدثا من ورقة في يده ممسكا بالدستور جالسا في وضع المقسوع
ويقول متحدثا عن الرئيس متجردا من أى لقب, وكانت معهم فتاه رأيتها في أحد البرامج بعد خروجها من الإعتقال بعد6إبريل
وهي تتغزل في رجال الأمن علي المعاملة الكريمة التي عوملت بها أثناء وجودها في أمن الدولة॥
تتحدث عن الرئيس مبارك وكأنه لاشئ وما لاحظته أثناء الحوار كلمة واحدة تتكرر علي لسان شباب الثورة إيش ضمني
لقد حققت الثورة لي ولغيرى أكثر مما كنا نطمح ।ولكنها تراجعت عما نادت به وكان التغير في الدستور والحالة الإجتماعية
والقضاء علي الفساد حل البرلمان عدم ترشيح الرئيس او أولاده في الإنتخابات إقامة دولة مدنية لم يكن علي الفيس بوك المطالبة
بتنحي البرئيس فوجئنا بالمطالبة بالرحيل وإسقاط النظام وبعدين محاكمته وإعدامه
وإلي هنا توقفت كثيرا أمام مشهدا من قصة مدينتين وهي قصة تحكي عن الثورة الفرنسيه وكانت مقررة علينا
في المرحلة الثانوية عندما هجم العامة علي قصور النبلاء ونهبوا ما في القصور وقبضوا علي كل من يرتيط
بالنبلاء والحكم عليهم بالإعدام بالمقصلة في ميدان عام دون محاكمة
رهبت منهم وهم يعلقون دمية مشنوقة تتأرجح ॥
ترامو من نظرى وانا آراهم علي الفيس بوك يسخرون من شخص الرئيس في مشهد هزلي بميدان التحرير شابين أحدهم
يرتدى غطاء رأس هندى والأخر يقوم بدور المرتجم وحدث ولا حرج وفي مشهد أخر مجموعة كلبات يصورون الرئيس مبارك
بملابس نسائيه ولآخر وهو يتلقي ضربات بالعصا من الزعيم جمال عبد الناصر ولاأظن إن كان الزعيم جمال علي قيد الحياة أ
انه سيتعامل مع الرئيس مبارك بهذا الأسلوب الوقح, ومشهد آخر ووائل غنيم يحتفل راقصا وأصجابه بتنحي الرئيس
رغم إتصاله قائلا بأنه بكي عند سماعه قرار التنحي وأنه كان في التحرير وقتها وقبلها بيوم قال إن تفويض السيد
الرئيس للسيد عمر سليمان نصر كبير
وانه سيبحث مع زملائه هذا الأمر ودراسته علي ترك الرئيس حتي نهاية مدة ولايته
وتكراره أكثر من مره عند لقائه مع مني الشاذلي بأنه لايوافق علي المساس بشخص الرئيس لأنه رمز وله إحترامه
وبعدين اراه في فيديو مع خالد النبوى يرقص علي دف النبوى يشتم الرئيس
======================================
وكان يوما قاتما يوم تلاحم ابناء الوطن الواحد معارضين ومؤيدين في تراشق بالحجارة ووقوع قتلي وجرحي
ودموعي التي لم تتوقف علي حال بلادى هل كتب علي مصر ان تكون عراق آخر يارب لاتريني هذا اليوم تمنيت الموت نعم
أهون علي الموت ولا آرى أبناء بلدى بيقتلوا بعض وجمال وأحصنه تدخل وناس تقول تبع الشباب وناس يقول تبع الحكومة
وفتح سجون ناس تقول ده مخطط خارجي وناس تقول دى الحكومة بتعمل كده علشان تشغل الشعب والثوار بالمساجيين
الهاربين لكي تكون هناك فرصة لإلتقاط الأنفاس وتدبير خطه للهروب من البلاد
وحالة الذعر التي عشنها ونحن نسمع ميكريفون الجامع محذرا من التطعيمات أو التبرع بالدم لعربات الإسعاف
التي تمر بالشوارع او عدم التعامل مع محصلي الكهرباء أو أى شخص يطلب تحصيل غاز او مياه
ونداء أخر يخذر الأهالي بقرب دخول بعض من المساجين الهاربين أو البلطجيه علي المنطقة وخروج الرجال
والشباب للشوارع حاملين العصي والأسلحة البيضاء ,
كنت أقول لنفسي فيها ى
آيه لوفضوها وخلو الناس تشوف شغلها طب هم خايفين من آيه العالم كله شافهم وباركهم
وعرف مطالبهم يعني لامناص من تحقيق هذه المطالب وهم مؤمانين ولهم كافة الضمانات التي تحول الي إعتقالهم
اثار غضبي ظهور شاب معارض اسمه اسامه واخر مؤيد يسمي محمد مع تامر امين اثناء التحاور محمد قال لأسامه إن
الشعب بعد خطاب الرئيس اللي قال فيه انه سيعيش ويموت علي أرض مصر خرج مؤيدا للرئيس علي بقائه حتي إنتهاء
مدة ولايته فرد اسامه قائلا وآيه يعني ماإحنا بعد خروج وائل من الإعتقال وظهوروهو يبكي في برنامج العاشره مساء
إنضم كثير من المؤيدين بمعني ان الشعب عبيط بيضحك عليه بكلمه ودمعه لوكانت الطيبة ورقة القلب عيب
فينا فنحن لانرضي ان نوصم بالغباء وغلظة القلب
وبعدين عدم إعترافهم ببعض فكل متظهر مجموعة علي الفضائيات تقول مجموعة أخرى أنهم لايعرفونهم ولايمثلونهم
عروستي
=======================================
الثوار الشباب يلقون تهمة الخيانة علي كل من عارضهم ويوضعونهم في القائمة السوداء
ويوصفونهم معارضون معربون علي معارضتهم من أول طرح الثورة
منافقين غيروا جلودهم فور نجاح الثورة
قاذفين علي أكتاف الثورة يريدون تحقيق مطامع لهم
مترديدين في قبول الثورة
بعدين عن الصورة ليس لهم رأى
العمل بمقولة من ليس معي فهو ضدى
أقول لكم لقد طالبتم بحرية التعبير عن الرأى فلا تقيدوا حقي في ذلك كفا أنكم تحدثتم بأسمي وطالبتم بما لاأرضاه
وهو هدم رمز البلاد والإطاحة به بطريقة غير لائقه
لقد كتبت عن الظلم والفساد ومازال هناك مالم ينشر بعد ولكن المبالغة في التعرض بالشتائم والخوض في الأعراض
ومالحقة الرئيس وأسرتة بهذا الإنفلات الأخلاقي حتي بعد ماذهب السلطان فهنا يجب أن تكون لنا وقفة تربوية
لآن ما يفعلوه يخرج علي العالم ليشاهد غوغاء لاكبير لهم الا يكفيكم رضوخه لكم انسيتم قول رسولنا الكريم عليه الصلاة والسلام
قائلا ليس منا من لايوقر كبيرنا ولايرحم صغيرنا .... اليس في تراثنا من قال يابخت من قدر وعفا
سرق نهب وافق علي فساد هناك من يحاكمه مثله كأى مسئول
لكن صعب علي أن أرى شباب في عمر أحفاده يتطاولون عليه سبا وتلمحيات خارجه عن حدود الأدب
ياترى سأجد نفسي بين المسجلين في القائمة السوداء ياترى هل سيحجر علي رأى وأعتبر من أعداء الثوره
أو أن رأى لايهمكم وتفعلون كما فعل السابقون من تحقير لرأي الشعب والأستهانة بمطالبه
لايهمني أشخاص ولكن يهمني بلدى أمن بلدى إستقرار بلدى تغير بلدى من بلد مستهلك الي بلد منتج
يهمني تصنيف بلدى عالميا في مجال التعليم والبحث العلمي
يهمني ان تعود هيبة بلدي في المنطقة ويكون لها دوراسياسيا فعالا عربيا وأفريقياوعالميا كما كان لها في الأمس القريب
يهمني الحفاظ علي كرامة المواطن المصرى داخليا وخارجيا
يهمني إرتفاع مستوى معيشة الفرد وإقامة حياة إجتماعية سليمة
يهمني عودة الثقة بين أطياف المجتمع وأن الجميع في خدمة الوطن وأن يعرف كل منا ما له وما عليه من حقوق ووجبات
أن تعمل الشرطة علي رأب الصدع بينها وبين الشعب وتعمل جاهدة علي عودة الثقة وان يسامح الشعب
ويفتح الجميع صفحة جديده تكون مصلحة مصر وأمنها وإستقرارها في المقام الأول
ان يعود الجيش لمكانه الطبيعي علي حدودنا حاميا بعون الله أرضنا وسمانا
الثلاثاء، 8 فبراير 2011
شكرا بلوجر
شكرا بلوجر علي عودة مدونتي إفتقدها
عدت اليها بعد غياب خارج عن إرادتي وجدتها مغلقه
أحسست بضيق وإحباط ॥ خاصة في هذا الوقت العصيب
والمشاعر المتأججة
لي معكم لقاء قريب بحبكم كلكم
تحيا مصر
البطن قلابه
يابطن ياللي حاملتي ملايين وكم الف
بطن شالت رجال صقفت لها الأكف
وبطن حط عليها الدبان وعف
بطن نهبت وسرقت وبطن نفسها أعف
بطن حمدت وشكرت وبطن عن الفساد ما تكف
بطن ريحها طيبه وبطن زكمت منها الأنف
بطن تشوفها تضحك لها وبطن عليها تتف
بطن عني تزود مهما دمها ينزف
وبطن تبيعني بالرخيص ولا يتمس لها طرف
بطن تتكرم في المحافل وبطن علي طره تنزف
بطن مهما نضفتها عفشه ماتنضف
وبطن نزيهه وشريفه بتشف وترف
بطن تفتح النفس وبطن منها تقرف
عدو بقي وشوفو عدد البطونالحلوه
واللي تقرف ووقفو كل بطن في صف
الأحد، 21 نوفمبر 2010
كل سنه وحضراتكم بخير
باقات من الورود وأجمل التهاني بعيد الأضحي علي حبايبي المودنيين والمدونات وبحج بيت الله كلكم موعود
تحمر من الفرحه الخدود والقلب يدندن كما العود وبعوده الأيام عليكم بخير ياأجمل من في الوجود
كان عيد جميل أصل ياحبيبي العيله عندى إضاف ليها ملاك جميل أسمها روضه حفيدتي أخت قمحه باشا
يارب فرح قلبكم بحبايبكم هي دلوقتي عندها شهر علشان كده الفتره اللي فاتت كنت مشغوله وطبعا قمحه كان له مغامرات
معايا طلع غيرته من أخته فيه وراني الدنيا بالألوان من عض وشد شعر ...
إمبارح كان عايز ينام جنبي علي كنبة الأنتريه معرفش , قال لي انتي تخينه كده ليه
مس عارف انام جنبك انا حأقطعك لغاية متبقي زى عمتو هبه علسان أعرف انام جنبك
بعديها بشويه قلب عليه وقال أنا مس بحبيكيش ليه ياقمحه علسان انتي وحسه انا حعلقك في المحوره
وادوس علي الزرار المحوره تفضل تلف تلف وانتي تبرجرسي بايدك ولجلك وتروحي منتوره علي السرير تنكسر لقبتك
وانا افرح واقول لبنا خد لي حقي
كفايه كده عليكم وأسيبكم علي خير وكل سنه وانتم بخير ويدوم عليكم الأعياد والفرح
الاثنين، 1 نوفمبر 2010
فزورة تانيه
الخميس، 28 أكتوبر 2010
فزوره آنشتين
هذا اللغز كتبه العالم انشتين بنفسه وموجود بمنتدى بس حبيت احطه بنفسي
علي فكره معرفش يحله طق مات بعيد عن السامعين والمدونيين
اللغز هو
توجد خمس منازل لكل منها لون مختلف
يسكن كل منزل شخص من جنسيه مختلفه
كل ساكن يفضل مشروب معين , ويدخن سجائر نوع معين , ويحتفظ بحيوان اليف معين
لااحد من الجيران الخمس يشرب نفس المشروب او يدخن نفس السجائر او لديه نفس الحيوان الأليف
معلومات الربط
يسكن البريطاني في المنزل الأحمر
لدى السويدى كلب
الدينماركي بيحب شرب الشاى
البيت الأخضر علي الجانب الأيسر من البيت الأبيض
مالك البيت الأخضر يشرب القهوة
الشخص الذى يشرب سجائر بيل مال لديه طائر
الرجل الذى يسكن في البيت الأوسط يشرب الحليب
مالك المنزل الأصفر يدخن السجائرنوع دانهيل
يسكن النرويجي في المنزل الأول
بسكن مدخن سجائر مارلبورو مجاورا لمن لديه قطه
الرجل الذى لديه حصان يسكن مجاورا لمن يدخن سجائر دانهيل
مدخن سجائر نوع وينفيليد يحب شرب الجعه
يسكن النرويجي مجاورا للبيت الأزرق
يدخن الألماني سجائر نوع روثمان
مدخن نوع مارلبورو لديه جار يحب شرب الماء
المطلوب
تحدد نوع الجنسيه \ اللون \الحيوان\ المشروب\نوع السجائر
لكل واحد منهم ومن منهم حيوانه الأليف سمكه
محمد الله يسامحه عطهاني علشان يختبرني واعطي لهبه نسخه
وقعدوا يقسموا عليه لكن ربنا نصرني عليهم وحلتها قبلهم اومال
ده احنا برضوا الأكلنا البيض بقشره والخروف بفروته
انا قلت الحكومه شغلانه بإرتفاع الأسعار ومشاكل لاحصر لها واللي في دمغها هو اللي ح يحصل
قلت نشغل نفسنا بمزجنا احس ميشغلونا غصب عنا
يلأ ياشطار شغلو الأفكار وحلو معانا هالفزار
الله يعطيكم العافيه........
الأربعاء، 20 أكتوبر 2010
كل سنة ومصر طيبة
كل سنة ومصربخير وطيبه
طب إزاى تبقي بخير وطيبه
وكل حاجة فيها مكركبة مش مظبطه
صحتها عدمانه وبالعلم جهلانه وصورتها
مشخبطه
وناسها بقت مهمومه نسيو الفرح والزقطته
غاب التسامح بينهم وأفاكرهم متخبطه
بدل السلام والمحبه سكينهم بدماهم مخضبه
جواهم اهات وأنين ونفوس تايه ومحبطه
حيلاقوها منين ولا منين والغلا نهشهم وطابور
العيش هرسهم ومن طيبتهم في حبال دايبه مشعبطه
ضحكو علي دقونهم وشيبتهم وحذفوا الوعود
من المضبطه
ده حتي الزباله لها صاحب يفنطها وإحنا مالينا
وإتهرينا شقلطه
أصحاب حضارة سيعتلاف سنه ومنين
متدخندقين في عالم ثالث والدنيا شبعانه فينا مقلته
سارقو أثارى وتاريخي وباعو الحديده وخدو ضريبه علي دارى
وسابوني في الهو مشعيطه
ياأكتوبر صحي الشهيد يشوف روحنا المحطمه
ضحيت بروحك وبكل غالي لأجل تفضل مصر أبيه
تعال شوفها نايمه ومسقطه
باعوا سينا يالكيلوات والعرض سارى لليدفع
للجتت المحنطه
تنزل عليهم لعنة جدودى ويدقو جزاء الخيانه وطعم المرمطه
دم بارد وده شئ وضيع حتي أحلي شئ بنعيشه
شعب فرحان بجيشه اللي رجع فرحت عمره
تاني لحضنه سرقو الفرحه وهزو شعوره
خاف من يأسي ياللي بتئسي مش حفضل علي طول في نواح
حنفض صبرى ودبر أمرى وأنت حتبقي إمبارح ونورى حيفضل صباح
وأكتوبر راجع من تاني وشهيدى حيطل علينا بوش جميل وضاح
والصحه حتبقي متينه والعلم حينور ليلينا من غير مصباح
والزرعة بذرتها حتطرح قمح وقطن ويعود مجد الفلاح
وترجع مصنعنا تصدروالعالم لده حيقدر وترجع تاني الأفراح
وسنك بامصر حيضحك وقلبك يبقي مرتاح
بحبك يامصر والهم مصيره عنك ينزاح
الأربعاء، 13 أكتوبر 2010
انا لاهجرت ولا نسيت
أوعي تزعلي انا لاهجرتك ولانسيتك
وبندم علي كل يوم غبت عنك وماجيتك
لكن أعذريني وصدقيني انا حبيتك
وحبيت صحبه جميلة كانت معانا ود ومحبة
بكلمة حلوة في عز الشتا دفتني ودفيتك
صعبان عليه حالنا تخدنا تجيبنا لايوم تعبنا ولا زهقنا
مواضعها قصة حكاوى نعيشها كلمها بلسم مدقترش متحبوش
فشكووول هوسنا عمال يغظينا بكلام مفشكل متسلهوش
وعاشق صبابة علي الربابة بيغازل حبيبته بكلام
صادق من غير رتوش
وهو واحد من عمالنا عايش مبينا سلام مربع
وأضرب ياأبني كام خرطوش
برغم انه من غير عنوان رحت لحدة وشفت
حنان بيقطر حكمة من قلب إنسان يترفع لها
البرنيطة والطربوش
سؤالي الحصرى علي المحترم بيرم المصرى
السلام عليه ولاسلام مع الصهاينه ميستهلوش
وبن الملوح الله يعينه علي مشاكل في تداوينة
ويقدرة علي حل اللي غيره معرفوش
ومجداوية أرأها قوية كلامها جامد طلقة متخيبش
والغنية أم البنات نفسها هادى
طلتها تادية يسعد زمانها اطيب قلب واجمل وش
ويسمباوى يهدى سرة ويفرح بعوضه بس يترى ليه
عني مبيسألش
وصلح صلح غاب وتسرح فتره طويله عاد من تاني
بس لسه متكلمش
ونغم الجميله رقيقة كلمها سكر ومبالغش
ونور شاهين شقية خفة عمليه ومبتلعبش
وكلمات من نور بتشع حكمة كلمها كنوز
يارب عافيها ولا ترقدش
وأجمل إحساس رب يخليها لوالديها
ويرزقها بعريس محصلش
والصباغ ودكتور وائل أكل الفلافل ومن يومها مبنش
ومانو وشرم وغير معرف وحسونه كمان
وحسين لازومي وعم الجاريحي والمستنصر بالله
والنسر المصرى واللي بيسأل واللي مبيسألش
كله بسلم عليه وبقوله أتمني مني متزعلش
انا غصب عني عن التدوين بعدت لاكن أبدا ليكو منستش
الخميس، 19 أغسطس 2010
كل رمضان وانتم بخير
كل سنة وحضراتكم بألف صحة وعافية
ربنا يعود عليكم الأيام بخير
النت متلخبط عندنا بيجي يوم وبغيب عشرة
الشركة االجديدة كل إهتمامها جمع الإشتركات
دون النظر لتحسين الخدمة أرجو المعذرة لعدم التواصل
أتمني للجميع صوما مقبولا وذنبا مغفورا
الخميس، 24 يونيو 2010
عقبال الحبايب
أزيكم يارب تكونو كلكم بخير
أخرت عليكم معلش عقبالكم يارب
زوجي المبجل وأبنتنا العزيزة وزوجة إبني المصونة
كانو في عمرة وطبعا أحمد باشا هيثم الشهير بقمحة كان عندى
وهوحفيد جميل وهادى جدا ومبيرميش حاجة في الشارع
ولا بيعمل شقاوة ولا بيطفي التليفزيون عندا فينا
من كتر مبشخط فيه مسك البقسماط وحطه في كوب اللبن
وعمال يقلب بقوله يا قمحه ياحبيبي كل علي طول انت بتقلب
مين غير متاكل قالي بدور علي تعبان يقرصك علشان انا أرفت منك
زأهتيني ...... ومرة تانيه بقوله نفسك تاكل آيه ياحمد قالي
نفسي أرميك من الشباك وأرتاح منك وميباقاش عندى تتتات
قد كده انا وحشه الله يكون في عون العيال وأبوهم
بس يعني ده ميمنعش إن قمحه باشا بيحبني لأنه بيعضني جامد
ويشد شعرى وقول له حد يعمل كده في تيتا يقولي
أصل بحبك جدا جدا وجهة نظر برضه ولازم أحترمها
الجمعة، 21 مايو 2010
ياساتر أستر
ياساتر أستر القلم لحكايات والبلاوى بيسطر
ناس جعانه وعيانه دى حتي لو شربت ميه نضيفه من الخضه حتسكر
وراح تنسي مشاكل تعليم وصحة وموصلات وللحكومة راح تشكر
وتعمل طرشه ومش حتعلق لما المسئول يتجمل وهوكداب وبيفشر
وممكن كمان ناس تعبانه تغمض عينها ومتشوفيشي
كروش حترشء من الكفيار وهي مش لاقيه الطرشى
ممكن تغمض ومتسمعش لكن تسكت متتوقعشي
لو الكيل طفح والدم غلي أوع تقوله متفرقعش في وشي
ياستر أستر من دى ناس عمله الغلابه تجارتها
مره تبيعهم بالقطعه ومرة تعبيهم سلعة
في مركب بيهم مليانه في البحر تكون نهايتها
وبدم بارد ينعيهم ويجيب العيب عليهم
وليه باعو الدهبات والأرض والهدمه اللي عليهم
مالأرض معادت تدى والغلا وباء بيسرى
وفي السوق حيتان مبترحمش وماتقولش أزمة وحتعدى
فين الحلول والدرسات لما بعنا وخصخصنا
ولصنعاتنا قلصنا وللعماله خسيسنا
وللبطالة زودنا أصل ده اللي ناقصنا
ياستر أستر فين الدم هرب منك ياأخينا
لما الزرع أتروى بمية صرف وبعدين بعته لينا
وترش وتسرطن
وانت بتتفسح في مؤتمرات فلوسها من لحمي الحي
وقاعد مجصوع متسلطن
عمال تلف علي المولات تجيب روايح وجلونات
وتبني في قصور وعماير وشبابنا من الركنه هيعطن
والغلابه ياولداه ده متفيرس يامكنسر ولا حاجه فينا بتتحسن
وانت عن النعيم والرخا في كل حته بتلسن
روح ياشيخ منك لله ضيعتنا ورحنا بلاش عامل كمبينه علينا
تاخد منا وتشحتنا وعامل آل آيه بتدينا
إداك في سنانك قبل عنيك وتتفرط صوابع إيديك
ح عرى راسي وأدعي عليك انت وكل البرتيتا
يجلكم كساح وتضيق عليكم الدنيا البراح
ويذهب عزكم علي الرصيف وتنعو الزمن اللي راح
وتنظف جيوبكم من اللحاليح وثلاجتكم من اللي بيصيح
ولما نشوفكم منعبركم ونقول ياباى علي دى تلائيح
وياستر أستر القلم للبلاوى والحاكايات بيسطر
وده بجد بجد و فعلا صحيح
!!!!!!!
!!!!!!!!!!!!!!
!!!!!!!!!!!!!!!!!!!!!!!!
!!!!!!!!!!!!!!!!!!!!!!!!!!!!!!!!!!!!!!!!!!!
اسم الله علي مقام اللي بيقرا واحد كان زعلان من أسمه
كان أسمه فلان ألوط راح مغيره وسما نفسه علان الوط
اهو برده ده اللي جارى لينا من مسئولينا يسيبوا الخيبه التقيله
ويتصدرو في الهايفه ।
معذرة عن هذا التشبيه المقرف بس بجد انا مغلوله منهم
الثلاثاء، 18 مايو 2010
تعليق لمدونة صعبان عيه حالنا
السلام عليكم ورحمة الله وبركاته
