إحساس جميل إنك يكون عندك حرية الإختيار إنك تقول اللي انت عاوزه بأدب
وتعمل اللي انت عاوزه مدام لايضر أحد ।
انا ليس لي بطاقة إنتخابية وفرحت أوى بموضوع الرقم القومي عارفين الإدلاء بصوتي كان يقتصر علي إنتخابات النقابه
ومرة ساعة إستفتاء الفترة الثالثة للرئيس السابق ودى كانت بأمر من الإدارة العليا في العمل।
المرة دى خرجت لوحدى وانا ممن يعز عليهم عتبة الباب ॥
لكنه إحساس جميل ان يعبر الفرد عن رأيه دون ضغط
===================================
ماذا يردون؟
الجماعات الإسلاميه بكل مسمايتها , انني لاأحب خلط الدين في السياسة لأن معروف عن السياسة انا لعبة قزره
يباح فيها أشياء لا يقرها دين مثل الكذب النفاق وأحيانا القتل لكي تخلو الساحة أو النهب والسلب ...الخ
كيف اعطي صوتي لرجل لا تتماشي هيئته وكلامه مع أفعاله وكفاني ما كفاني في الحقبة الماضية
كيف أعطي صوتي لإختار رئيسا لي من يخالفه في الرأى أصبح عدوا له ويحيك له الدسائس والمؤمرات
كيف أعطي صوتي لأى من كان نائبا برلمانيا أو رئيسا لايعرف غير تصفية معارضيه جسديا
كيف أعطي صوتي لشخص أعلم موقفه جيدا من عمل المرأة ورأيه فيها ونظرته إليها
كيف أعطي صوتي لمن ينظر إلي تاريخ بلدة المتمثل في الأثار علي انها أصنام
كيف أعطي صوتي لمن سلموا نفسهم لأمريكا بإسم الجهاد في سبيل الله في كوسوفو وأ فغانستان وبعدها
أنتشروا في بقاع الأرض يخربون ابلاد ويقتلون العباد بأسم الإسلام
كيف أثق بهم وهم يزورون في الإنتخابات كما فعل الحزب الحاكم السابق
أريد من يقنعني بالأتي عضو بالجماعه الإسلاميه قال في أحد البرامج أنهم فصلو الحزب عن الجماعه
الجماعه لها مفهومها وفكرها الديني الدعوى والحزب له رأيه السياسي دون خلط بين الأثنين يعني لو الحزب
عمل تصرف مش ولا بد الجماعة حتغمض عنيها ولا تقيم عليه الحد وعدى ياليله।,ياليله طين
لك الله يامصر
============================================
قلبي علي الأمة العربيه والله معرفة ده مخطط أجنبي ولا صحوة عربية
انا لا أقلل من حمية الشعوب العربية ولا من قهر وظلم الحكام , ولكن هناك سؤال يستوقفني
الشعوب في وقت واحد أو في تقارب زمني للأعلان عن الغضب ويكاد تكون الصيحات واحدة
المطالب واحدة الجرح واحد حتي ردود أفعال الحكام تتسم بنفس العناد والغرورويزيد عليهم في ليبيا الجنان
اللهم أحقن دماء العرب اللهم أمين
=====================================
لا أخفي حزني علي ما إتأخذه السيد عمرو موسي بصفته أمين الجامعة العربية م طلب التدخل الأجنبي العسكرى
في ليبيا بدعوى الحفاظ علي ا لشعب الليبي الشقيق كيف وآلة الحرب عمياء لاتفرق بين معسكر للأسلحه ومستشفي
أو مدرسة ولا بين مؤيد ومعارض ولا بين حاكم وشعب।
أهون علي ان يموت الشعب الليبي برصاص حاكمه المجنون علي ان يموت برصاص أمريكا أودوله أوربية
لم يكن هناك حلا آخر هل فضتت جعبة المعنيين بالشئون العرببية من الأفكار والحلول
قلبي يعتصر حزنا علي دماء الشهداء ليتها كانت علي أرض فلسطين لتحريرها من اليهود
الله يخرب بيتك ياقذافي وبيت اللي بيحبك حتفني شعبك
راح أحاول معرفة وجهة نظر السيد عمرو موسي قبل معلم عليه
======================================================
منظر غير حضارى
ضرب البرادعي بالطوب والزجاجات الفارغه وعدم تمكينه من ألإدلاء بصوته في الإستفتاء منظر مؤسف
حتي ولو ان أخترق الطابور دون مرعاة للدور وهو من سيرشح نفسه للرئاسة وسيحلف اليمين بمحافظته علي النظام
وأنه لن يستغل منصبه فيما يسئ للوطن والمواطنين ॥ علم علي ابرادعي مع إعتراضي علي ضربه
====================================================
فيه جماعة من المطالبين بتغير الدستور بعد ما قالو ان إحنا حنحترم رأى الأغلبية مهما كانت النتيجة
أول مظهرت النتيجة لصالح التعديل قال آيه راحو ميدان التحرير بيعترضوا
لأبقه وربنا المعبود المخرج مقال كده ومش لاعب
انتوعارفين كان نفسي أعيش في سنة 19في مناخ سياسي نظيف بلاش نظيف دى خليها جميل حيث
الفكر والوعي السياسي .
كان هناك حبا للوطن صادق دون تخوين دون مصالح شخصية كان هناك إثار دون تفريق ين طائفة وأخرى
نحن تحولنا من مطالبين بالحرية الي فووضاوين تحول البعض منا من الجرأة الي البجاحة دولة قربت عل الأنهيار
وشعب بدل ميفكر إزاى يعيد لهاتوازنها بيعتصم ويتظاهر بأسم الثورة فوقوا ياعالم
=================================================
كان عندنا في الحي بقال أسمه عم جرجس قدر الله له ان يحرم من الإنجاب ,,مكان له أن تولي تربية أبن الجيران
محمد وظل الرجل يرعاه حتي أصبح صبيا في الرابعة عشر من عمره وهنا توفي عم جرجس
وعند تشيع جنازته منع محمد من حضور مراسم الدفن لا لشئ سوى إن في هذه الإيام كنا نعبرالبر الشرقي عن طريق المراكب
لعدم وجود كوبرى حينها والمراكب كانت بعدد دون تجاوز , مكان من محمد غير أنه عبر البرالتاني سابحا حتي
يحضر جنازة جنازة عم جرجس الرجل المصرى الطيب الذى رباه
علما بأن النيل أقصي إتساع له في محافظة بني سويف أكثر من كيلو متر تقريبا وكان معرضا للغرق ولكنه الوفاء
وعندما عاد من مراسمالدفن وقف يأخذ عزاه و كان راعيا لزوجة عم جرجس حتي وافتها المنية
واللها ا لعظيم قصة حقيقية فين أيام الزمن اجميل
بحبك يامصر تعيشي وتحي عظيمة بين الأمم
مفيش زيارات من الأصحاب يمكن يكونو زعلانين من اللي كتبته ولا يمكن مش بيجو من أصله
ربنا م يجيب زعل انا عارفه أنهم أكبر من الحجر علي رأى بس يهمني لو بيدخلوا المدونة وفيه حاجة
مش عجباهم يوضحوا لي وجهة نظرهم وده حقي عليهم....
المهم أني إصبت بتخمة من البرامج وحاسة ان دماغي بقت عاملة زى البطيخه النمس وعنيه إتحوليت
وتشويش في قناة إستاكيوس أنا بقه عمالة أسمع حاجات مش عارفه أيه هيه مثل ............
الليبراليه وديمونقراط وعلشان معملش زى القذافي وألف قلت أسألكم يمكن حد منكم ينسي ويزور المدونة
ويشرح لي الكلام ده ....
كان البوست اللي فات كتبت شروط الدستور في شخص الرئيس القادم من وجهة نظرى المتواضعة
فوجئت بالمستشار طارق البشرى طالع علينا بمثل ماطلبت وزاد كمان جنسية الزوجة يجب أن تكون مصرية
طبعا أنا معرفش سيادة المسشار يمكن يكون زار المدونة وعجبة رأى يادى الهنا
بصراحة هو ليس برأى لي ولكن في المدرسة ايام م كنا بندرس في كتاب التربيه الوطنيه وكتاب التاريخ
كان مكتوب يجب ان يكون رئيس الجمهورية مصرى من أبوين وجدين مصرييين ... وكنا نسأل فيجاب علينا بالأتي
انه في حال وجود والديين أو جديين بحكم صلة القرابه تكون أسرار الدولة ليست في مأمن لأن ولاء الفرد لوطنه
فكيف لو أن هناك بعض المشاكل بين مصر ودولة يحمل الأباء والجدود جنسيتها هناك إحتمال ولو واحد بالمائه لتسريب
معلومات تخص الأمن المصرى ॥ ولو الشخص نفسه يحمل جنسية أخرى فهذا معناه أنه إبتعد عن الوطن لم يندرج في
مشاكله يمكن يكون سمع عنها ولكنه لم يعيش هذه المشاكل ممكن للرجل أن يتزوج إثنين يعيش معهما وكل منهم
تذكره دائما بأنها ملاذه وصاحية فضل عليه وأكيد انه سيميل لإحدهن , هكذا درسنا وهذا مفهومنا ,انا ياأحبابي
بتكلم بفكرى انا دون فرضه علي أحد لو به خطأ فهموني لو هناك إختلاف في وجهة نظر وضحوا لي وجهة نظركم
انا واحدة بأستقي معلوماتي عن طريق الصحف والقنوات الفضائيه وأحيانا من الإنترنيت لاأقرأ كتب ولا أحضر ندوات
لأن هذا غير متاح في الأقاليم وحتي في القاءات العائلية يعتبر الحديث في شئون البلاد نوع من الروقان وياعم فوضك
بلا وجع دماغ...
======================================================
شوفوا بقه بجد انا مصابه بصدمه صادمة صدمتني
فإصتدمت بحائط صادم فإرتطمت فصد عني فستند ت
حتي لاأقع ولإفكارى لملمت بمن أثق والكل يشير لبعضه بالخيانة
ويشكك في انتماء غير فكره بإهانه
ليس بعد صدمتي في من علا بفضل دفاعه عن أرض الكنانه
ثم علا علي كرسيه فثقل عليه فأرداه أرضا
وسقط من عنانه
ضحي من أجلي يوما فكان هذا دينا في رقبتي الي يوم القيامه
فعجل بقيامته فإستحق
أن يقلع من جدور الأرض هو وغلانه
انا سأنتظر حتي الحساب العسر وبعدها سأعتذر
وحتي هذا اليوم وإلي ان تفني الأرض لمصر وأهلها السلامة
====================================================
عرفت انهم بيدرسوا كتاب الدكتور فاروق إلباز خريطة التنمية ياترى أسمه كده ولا انا بقول وخلاص
وياريت كمان ياريت يطبقوه هو وكتاب الدكتور زويل عصر العلم وكمان كتاب دكتور محمد البرادعي
مع اني مش نازل لي من زور بس كل مافيه صالح مصر يهون علشانه كل شئ ..........
بس يارب الحال يهدأ
=======================================================
في حاجه نفسي تحصل شهداء الثورة الشباب اللي زى الفل دول ربنا يصبر أهلهم لو حد يعرف
كل واحد فيهن كان نفسه في أيه حلم يعني وكان نفسه يتحقق غير التغيير حاجه لنفسه ويحققها لحد من قرايبه
متهيئ لي إن بكده نكون حققنا حلمه لحد قريب له أو تجمع تبرعات لعمل رحلات حج أو عمرة لأبائهم وزوجاتهم
بالنسبه للمسلمين اما المسيحيين تصرف لهم نفس قيمة العمرة أو الحج نقدي
دى فكرة...........
=================================================
شفتم الفضيحة إللي بجلاجل شفتم مباحث هم الدولة
لاتعليق ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
==================================================
يجماعةعاوزين نفضي لمصر شويه المكان محاصر
صحيح إن قاسم والأربعين حرامي ويمكن يزيدو عن الأربعين
اثار غضبي ظهور شاب معارض اسمه اسامه واخر مؤيد يسمي محمد مع تامر امين اثناء التحاور محمد قال لأسامه إن
الشعب بعد خطاب الرئيس اللي قال فيه انه سيعيش ويموت علي أرض مصر خرج مؤيدا للرئيس علي بقائه حتي إنتهاء
مدة ولايته فرد اسامه قائلا وآيه يعني ماإحنا بعد خروج وائل من الإعتقال وظهوروهو يبكي في برنامج العاشره مساء
إنضم كثير من المؤيدين بمعني ان الشعب عبيط بيضحك عليه بكلمه ودمعه لوكانت الطيبة ورقة القلب عيب
فينا فنحن لانرضي ان نوصم بالغباء وغلظة القلب
وبعدين عدم إعترافهم ببعض فكل متظهر مجموعة علي الفضائيات تقول مجموعة أخرى أنهم لايعرفونهم ولايمثلونهم
عروستي
=======================================
الثوار الشباب يلقون تهمة الخيانة علي كل من عارضهم ويوضعونهم في القائمة السوداء
ويوصفونهم معارضون معربون علي معارضتهم من أول طرح الثورة
منافقين غيروا جلودهم فور نجاح الثورة
قاذفين علي أكتاف الثورة يريدون تحقيق مطامع لهم
مترديدين في قبول الثورة
بعدين عن الصورة ليس لهم رأى
العمل بمقولة من ليس معي فهو ضدى
أقول لكم لقد طالبتم بحرية التعبير عن الرأى فلا تقيدوا حقي في ذلك كفا أنكم تحدثتم بأسمي وطالبتم بما لاأرضاه
وهو هدم رمز البلاد والإطاحة به بطريقة غير لائقه
لقد كتبت عن الظلم والفساد ومازال هناك مالم ينشر بعد ولكن المبالغة في التعرض بالشتائم والخوض في الأعراض
ومالحقة الرئيس وأسرتة بهذا الإنفلات الأخلاقي حتي بعد ماذهب السلطان فهنا يجب أن تكون لنا وقفة تربوية
لآن ما يفعلوه يخرج علي العالم ليشاهد غوغاء لاكبير لهم الا يكفيكم رضوخه لكم انسيتم قول رسولنا الكريم عليه الصلاة والسلام
قائلا ليس منا من لايوقر كبيرنا ولايرحم صغيرنا .... اليس في تراثنا من قال يابخت من قدر وعفا
سرق نهب وافق علي فساد هناك من يحاكمه مثله كأى مسئول
لكن صعب علي أن أرى شباب في عمر أحفاده يتطاولون عليه سبا وتلمحيات خارجه عن حدود الأدب
ياترى سأجد نفسي بين المسجلين في القائمة السوداء ياترى هل سيحجر علي رأى وأعتبر من أعداء الثوره
أو أن رأى لايهمكم وتفعلون كما فعل السابقون من تحقير لرأي الشعب والأستهانة بمطالبه
لايهمني أشخاص ولكن يهمني بلدى أمن بلدى إستقرار بلدى تغير بلدى من بلد مستهلك الي بلد منتج
يهمني تصنيف بلدى عالميا في مجال التعليم والبحث العلمي
يهمني ان تعود هيبة بلدي في المنطقة ويكون لها دوراسياسيا فعالا عربيا وأفريقياوعالميا كما كان لها في الأمس القريب
يهمني الحفاظ علي كرامة المواطن المصرى داخليا وخارجيا
يهمني إرتفاع مستوى معيشة الفرد وإقامة حياة إجتماعية سليمة
يهمني عودة الثقة بين أطياف المجتمع وأن الجميع في خدمة الوطن وأن يعرف كل منا ما له وما عليه من حقوق ووجبات
أن تعمل الشرطة علي رأب الصدع بينها وبين الشعب وتعمل جاهدة علي عودة الثقة وان يسامح الشعب
شكرا بلوجر علي عودة مدونتي إفتقدها
عدت اليها بعد غياب خارج عن إرادتي وجدتها مغلقه
أحسست بضيق وإحباط ॥ خاصة في هذا الوقت العصيب
والمشاعر المتأججة
لي معكم لقاء قريب بحبكم كلكم
تحيا مصر
يابطن ياللي حاملتي ملايين وكم الف
بطن شالت رجال صقفت لها الأكف
وبطن حط عليها الدبان وعف
بطن نهبت وسرقت وبطن نفسها أعف
بطن حمدت وشكرت وبطن عن الفساد ما تكف
بطن ريحها طيبه وبطن زكمت منها الأنف
بطن تشوفها تضحك لها وبطن عليها تتف
بطن عني تزود مهما دمها ينزف
وبطن تبيعني بالرخيص ولا يتمس لها طرف
بطن تتكرم في المحافل وبطن علي طره تنزف
بطن مهما نضفتها عفشه ماتنضف
وبطن نزيهه وشريفه بتشف وترف
بطن تفتح النفس وبطن منها تقرف
عدو بقي وشوفو عدد البطونالحلوه
واللي تقرف ووقفو كل بطن في صف
باقات من الورود وأجمل التهاني بعيد الأضحي علي حبايبي المودنيين والمدونات وبحج بيت الله كلكم موعود
تحمر من الفرحه الخدود والقلب يدندن كما العود وبعوده الأيام عليكم بخير ياأجمل من في الوجود
كان عيد جميل أصل ياحبيبي العيله عندى إضاف ليها ملاك جميل أسمها روضه حفيدتي أخت قمحه باشا
يارب فرح قلبكم بحبايبكم هي دلوقتي عندها شهر علشان كده الفتره اللي فاتت كنت مشغوله وطبعا قمحه كان له مغامرات
معايا طلع غيرته من أخته فيه وراني الدنيا بالألوان من عض وشد شعر ...
إمبارح كان عايز ينام جنبي علي كنبة الأنتريه معرفش , قال لي انتي تخينه كده ليه
مس عارف انام جنبك انا حأقطعك لغاية متبقي زى عمتو هبه علسان أعرف انام جنبك
بعديها بشويه قلب عليه وقال أنا مس بحبيكيش ليه ياقمحه علسان انتي وحسه انا حعلقك في المحوره
وادوس علي الزرار المحوره تفضل تلف تلف وانتي تبرجرسي بايدك ولجلك وتروحي منتوره علي السرير تنكسر لقبتك
وانا افرح واقول لبنا خد لي حقي
كفايه كده عليكم وأسيبكم علي خير وكل سنه وانتم بخير ويدوم عليكم الأعياد والفرح
هذا اللغز كتبه العالم انشتين بنفسه وموجود بمنتدى بس حبيت احطه بنفسي
علي فكره معرفش يحله طق مات بعيد عن السامعين والمدونيين
اللغز هو
توجد خمس منازل لكل منها لون مختلف
يسكن كل منزل شخص من جنسيه مختلفه
كل ساكن يفضل مشروب معين , ويدخن سجائر نوع معين , ويحتفظ بحيوان اليف معين
لااحد من الجيران الخمس يشرب نفس المشروب او يدخن نفس السجائر او لديه نفس الحيوان الأليف
معلومات الربط
يسكن البريطاني في المنزل الأحمر
لدى السويدى كلب
الدينماركي بيحب شرب الشاى
البيت الأخضر علي الجانب الأيسر من البيت الأبيض
مالك البيت الأخضر يشرب القهوة
الشخص الذى يشرب سجائر بيل مال لديه طائر
الرجل الذى يسكن في البيت الأوسط يشرب الحليب
مالك المنزل الأصفر يدخن السجائرنوع دانهيل
يسكن النرويجي في المنزل الأول
بسكن مدخن سجائر مارلبورو مجاورا لمن لديه قطه
الرجل الذى لديه حصان يسكن مجاورا لمن يدخن سجائر دانهيل
مدخن سجائر نوع وينفيليد يحب شرب الجعه
يسكن النرويجي مجاورا للبيت الأزرق
يدخن الألماني سجائر نوع روثمان
مدخن نوع مارلبورو لديه جار يحب شرب الماء
المطلوب
تحدد نوع الجنسيه \ اللون \الحيوان\ المشروب\نوع السجائر
لكل واحد منهم ومن منهم حيوانه الأليف سمكه
محمد الله يسامحه عطهاني علشان يختبرني واعطي لهبه نسخه
وقعدوا يقسموا عليه لكن ربنا نصرني عليهم وحلتها قبلهم اومال
ده احنا برضوا الأكلنا البيض بقشره والخروف بفروته
انا قلت الحكومه شغلانه بإرتفاع الأسعار ومشاكل لاحصر لها واللي في دمغها هو اللي ح يحصل
قلت نشغل نفسنا بمزجنا احس ميشغلونا غصب عنا
يلأ ياشطار شغلو الأفكار وحلو معانا هالفزار
الله يعطيكم العافيه........
كل سنة ومصربخير وطيبه
طب إزاى تبقي بخير وطيبه
وكل حاجة فيها مكركبة مش مظبطه
صحتها عدمانه وبالعلم جهلانه وصورتها
مشخبطه
وناسها بقت مهمومه نسيو الفرح والزقطته
غاب التسامح بينهم وأفاكرهم متخبطه
بدل السلام والمحبه سكينهم بدماهم مخضبه
جواهم اهات وأنين ونفوس تايه ومحبطه
حيلاقوها منين ولا منين والغلا نهشهم وطابور
العيش هرسهم ومن طيبتهم في حبال دايبه مشعبطه
ضحكو علي دقونهم وشيبتهم وحذفوا الوعود
من المضبطه
ده حتي الزباله لها صاحب يفنطها وإحنا مالينا
وإتهرينا شقلطه
أصحاب حضارة سيعتلاف سنه ومنين
متدخندقين في عالم ثالث والدنيا شبعانه فينا مقلته
سارقو أثارى وتاريخي وباعو الحديده وخدو ضريبه علي دارى
وسابوني في الهو مشعيطه
ياأكتوبر صحي الشهيد يشوف روحنا المحطمه
ضحيت بروحك وبكل غالي لأجل تفضل مصر أبيه
تعال شوفها نايمه ومسقطه
باعوا سينا يالكيلوات والعرض سارى لليدفع
للجتت المحنطه
تنزل عليهم لعنة جدودى ويدقو جزاء الخيانه وطعم المرمطه
أوعي تزعلي انا لاهجرتك ولانسيتك
وبندم علي كل يوم غبت عنك وماجيتك
لكن أعذريني وصدقيني انا حبيتك
وحبيت صحبه جميلة كانت معانا ود ومحبة
بكلمة حلوة في عز الشتا دفتني ودفيتك
صعبان عليه حالنا تخدنا تجيبنا لايوم تعبنا ولا زهقنا
مواضعها قصة حكاوى نعيشها كلمها بلسم مدقترش متحبوش
فشكووول هوسنا عمال يغظينا بكلام مفشكل متسلهوش
وعاشق صبابة علي الربابة بيغازل حبيبته بكلام
صادق من غير رتوش
وهو واحد من عمالنا عايش مبينا سلام مربع
وأضرب ياأبني كام خرطوش
برغم انه من غير عنوان رحت لحدة وشفت
حنان بيقطر حكمة من قلب إنسان يترفع لها
البرنيطة والطربوش
سؤالي الحصرى علي المحترم بيرم المصرى
السلام عليه ولاسلام مع الصهاينه ميستهلوش
وبن الملوح الله يعينه علي مشاكل في تداوينة
ويقدرة علي حل اللي غيره معرفوش
ومجداوية أرأها قوية كلامها جامد طلقة متخيبش
والغنية أم البنات نفسها هادى
طلتها تادية يسعد زمانها اطيب قلب واجمل وش
ويسمباوى يهدى سرة ويفرح بعوضه بس يترى ليه
عني مبيسألش
وصلح صلح غاب وتسرح فتره طويله عاد من تاني
بس لسه متكلمش
ونغم الجميله رقيقة كلمها سكر ومبالغش
ونور شاهين شقية خفة عمليه ومبتلعبش
وكلمات من نور بتشع حكمة كلمها كنوز
يارب عافيها ولا ترقدش
وأجمل إحساس رب يخليها لوالديها
ويرزقها بعريس محصلش
والصباغ ودكتور وائل أكل الفلافل ومن يومها مبنش
ومانو وشرم وغير معرف وحسونه كمان
وحسين لازومي وعم الجاريحي والمستنصر بالله
والنسر المصرى واللي بيسأل واللي مبيسألش
كله بسلم عليه وبقوله أتمني مني متزعلش
انا غصب عني عن التدوين بعدت لاكن أبدا ليكو منستش
كل سنة وحضراتكم بألف صحة وعافية
ربنا يعود عليكم الأيام بخير
النت متلخبط عندنا بيجي يوم وبغيب عشرة
الشركة االجديدة كل إهتمامها جمع الإشتركات
دون النظر لتحسين الخدمة أرجو المعذرة لعدم التواصل
أتمني للجميع صوما مقبولا وذنبا مغفورا
أزيكم يارب تكونو كلكم بخير
أخرت عليكم معلش عقبالكم يارب
زوجي المبجل وأبنتنا العزيزة وزوجة إبني المصونة
كانو في عمرة وطبعا أحمد باشا هيثم الشهير بقمحة كان عندى
وهوحفيد جميل وهادى جدا ومبيرميش حاجة في الشارع
ولا بيعمل شقاوة ولا بيطفي التليفزيون عندا فينا
من كتر مبشخط فيه مسك البقسماط وحطه في كوب اللبن
وعمال يقلب بقوله يا قمحه ياحبيبي كل علي طول انت بتقلب
مين غير متاكل قالي بدور علي تعبان يقرصك علشان انا أرفت منك
زأهتيني ...... ومرة تانيه بقوله نفسك تاكل آيه ياحمد قالي
نفسي أرميك من الشباك وأرتاح منك وميباقاش عندى تتتات
قد كده انا وحشه الله يكون في عون العيال وأبوهم
بس يعني ده ميمنعش إن قمحه باشا بيحبني لأنه بيعضني جامد
ويشد شعرى وقول له حد يعمل كده في تيتا يقولي
أصل بحبك جدا جدا وجهة نظر برضه ولازم أحترمها
ياساتر أستر القلم لحكايات والبلاوى بيسطر
ناس جعانه وعيانه دى حتي لو شربت ميه نضيفه من الخضه حتسكر
وراح تنسي مشاكل تعليم وصحة وموصلات وللحكومة راح تشكر
وتعمل طرشه ومش حتعلق لما المسئول يتجمل وهوكداب وبيفشر
وممكن كمان ناس تعبانه تغمض عينها ومتشوفيشي
كروش حترشء من الكفيار وهي مش لاقيه الطرشى
ممكن تغمض ومتسمعش لكن تسكت متتوقعشي
لو الكيل طفح والدم غلي أوع تقوله متفرقعش في وشي
ياستر أستر من دى ناس عمله الغلابه تجارتها
مره تبيعهم بالقطعه ومرة تعبيهم سلعة
في مركب بيهم مليانه في البحر تكون نهايتها
وبدم بارد ينعيهم ويجيب العيب عليهم
وليه باعو الدهبات والأرض والهدمه اللي عليهم
مالأرض معادت تدى والغلا وباء بيسرى
وفي السوق حيتان مبترحمش وماتقولش أزمة وحتعدى
فين الحلول والدرسات لما بعنا وخصخصنا
ولصنعاتنا قلصنا وللعماله خسيسنا
وللبطالة زودنا أصل ده اللي ناقصنا
ياستر أستر فين الدم هرب منك ياأخينا
لما الزرع أتروى بمية صرف وبعدين بعته لينا
وترش وتسرطن
وانت بتتفسح في مؤتمرات فلوسها من لحمي الحي
وقاعد مجصوع متسلطن
عمال تلف علي المولات تجيب روايح وجلونات
وتبني في قصور وعماير وشبابنا من الركنه هيعطن
والغلابه ياولداه ده متفيرس يامكنسر ولا حاجه فينا بتتحسن
وانت عن النعيم والرخا في كل حته بتلسن
روح ياشيخ منك لله ضيعتنا ورحنا بلاش عامل كمبينه علينا
تاخد منا وتشحتنا وعامل آل آيه بتدينا
إداك في سنانك قبل عنيك وتتفرط صوابع إيديك
ح عرى راسي وأدعي عليك انت وكل البرتيتا
يجلكم كساح وتضيق عليكم الدنيا البراح
ويذهب عزكم علي الرصيف وتنعو الزمن اللي راح
وتنظف جيوبكم من اللحاليح وثلاجتكم من اللي بيصيح
ولما نشوفكم منعبركم ونقول ياباى علي دى تلائيح
وياستر أستر القلم للبلاوى والحاكايات بيسطر
وده بجد بجد و فعلا صحيح
!!!!!!!
!!!!!!!!!!!!!!
!!!!!!!!!!!!!!!!!!!!!!!!
!!!!!!!!!!!!!!!!!!!!!!!!!!!!!!!!!!!!!!!!!!!
اسم الله علي مقام اللي بيقرا واحد كان زعلان من أسمه
كان أسمه فلان ألوط راح مغيره وسما نفسه علان الوط
اهو برده ده اللي جارى لينا من مسئولينا يسيبوا الخيبه التقيله
ويتصدرو في الهايفه ।
معذرة عن هذا التشبيه المقرف بس بجد انا مغلوله منهم
