من أرشيف حياتي(نموذج لأم فاشله)

إسمحو لي أن أقدم لكم هذا النموذج لأم فاشله وأعتذر عن التسميه وأرجو من حضارتكم بعد

قراءة الموضوع إن وجدتم عنوان غيره تقترحوه علي فأنا مستعده للأخذ بيه فورا

ونبدأ الكلام بذكر النبي عليه الصلاة والسلام ॥

هي صديقه لها ثلاث بنات كنت بزيارتها وكانت تشكو لي من أعباء المنزل والمجهود التي

تعانيه في ذلك ॥ فقلت لها وأين بناتك؟............ قالت بناتي ملهمش في هذا الموضوع

موضوع آيه ياستي حتي لو كل واحده فيهم اهتمت بغرفتها أو غسل ما تستعمله من صحون وأكواب

أو تقسيم أعباء البيت عليكم وخصوصا أنهن انتهين من الدراسه ॥ فقالت خليهم يفرحو بحياتهم بلاش

يعتلو الهم من دلوقت الأيام جايه كتير وعلي رأى المثل بنات الشاطره خايبين وبنات الخايبه شاطرين

قلت لها يافرحتي بيكي ॥ وفي هذه الأثناء دخلت البنات وسلمو عليه فإذا بالأم تقول لهم شفت تانت وفاء

عايزاكم تساعدوني في البيت ... فإذا بإحدهن وكانت أجملهن وقالت لالا وألف لا ياتانت يعمل حسابه

الأكل تيكاويه والماتيك موجوده وغسالة الأطباق وشغاله صنع مصر زى بعضه مش حقول فليبنيه

قولت لها كسبنا صلاة النبي ... طيب لو ربنا رزقك بأطفال راح تراعيهم إزاى قالت أحدى أخوتها

لو مافيش داده يبقي ياماما أو مامته يقوموبالمهمه دى ..... إلتفت الي الأم التي كانت تسمع كلام بناتها

وهي عامله إعلان كيرست وجهها ينطق بالسعاده وتقولي مش بقولك مكبرين دماغهم هههههههههههههههه

أخر دلع قلت في نفسي دول أخر خيبه وستأذنت للإنصراف قبل ضغطي مايرتفع أكثر ماهو مرفوع ॥

مرت الأيام وتزوجت بناتها وحده تلو الأخرى ...॥ولم يعدى أسبوع إلا وجرس التليفون وإذا بها علي

الطرف الاخر تطلب طلب مني الحضور حالا لحل مشكله لأحدى البنات وسوف أسرد لكم مشكلة كل واحده منهن

علي حده

البنت الكبرى زوجها يشتكي من أهمالها في البيت وفي العيال وحتي في نفسها ... وبيشتكي من كثرت طلباتها دون

النظر لوضعه المادى وعدم الإحساس بما يعانيه لتوفير مستوى معيشه جيد فهو يعمل بإحدى المصالح الحكوميه ويدير

مشروع خاص به ॥ والمطلوب منه عند عودته من يوم عمل شاق أن يشيل الأولاد ويغير لهم وينتظر حتي تعد الطعام لأنها

مشغوله مع الولاد طول اليوم॥فما كان منه غير الشكوى للأم التي قالت بناتي مش واخدين علي المرمطه॥ فقال لها

بنتك عندك لما تاخد علي المرمطه بيتي مفتوح ..... عندما تحدثت مع الأبنه قالت لي انه مش فتي احلامها وأنه بيئه

قلت لها يعني أيه مش فتي أحلامك ؟ .... ردت كنت اتمني زوج يفسحني يخرجني ناكل بره ... يهتم بيه وبأولاده

قلت لها وتقصدى أيه بأنه بيئه ؟ .... أنه دايما صوته عالي ونرفز ... ... قلت طيب حسألك كم سؤال وردى بصراحه

فيه حد أفضل منه إتقدم ليكي نظرت لى وهزت رأسها بالنفي ...... عرفت شباب أحسن منه قالت بصوت منخفض أيوه

طب متقدموش ليكي ليه؟..... قالت كل ليه أسبابه ... قلت لها إسمحي لي أن أخمن تلك الأسباب أن يقول مثلا انا بحبك وربنا يعلم

قد ايه انا بتعذب اني مش قادر أتقدم ليكي ظروفي الماديه متسمحش ... أو أبي وانا في خصام دائم لقد رشح لي فتاه ومصر

علي تزوجي منها وإلا طردني من البيت أو يحرمني من الميراث وكم دمعه وحبة شحتفه ويتركك وأنتي تبكين حبه وتسهرين

لياليه ويسمعك مثلك لها أمير يسعدها يجعلها ملكه تجلس علي عرش قلبه ويخدمها من حولها الأيدين الجميله دى لاتلمس غير

الورود وتعزف علي عود الأذن هذه لاتسمع إلا كلام الحب والهوى هذه العيون لاترى إلا كل جميل في هذا العالم ....

وأنتي تسمعي دون أن تفكرى ... مسألتيش نفسك هو عمل أيه علشان يستمر هذا الحب سعي لإيجاد عمل ليجمع لك المال دون

الإحتياج المادى لوالده وحتي يشعر والده بأن لولا إن هذه الفتاه تستحق العناء مافعل أبنه هذاويلين ويعيد التفكير في موضوع الإرتباط....

مفكرتيش ليه محاولش

يقنع والده بشخصك حتي يوافق علي زواجكما ... لأنه بكل بساطه كان غير جاد وكنت بالنسبه له مجرد واحده بيتسلي بيه

بدل كيس لب اللي بيحب بيعمل المستحيل من أجل من يحب اللي تعبك عقد مقارنه بين من عرفتيهم وزوجك وطبعا لم تكن

في صالح الزوج المطحون ... سؤال آخر هل زوجك عصبي ونرفز طول الوقت ... قالت لي بصراحه لأ بس الأوقات

اللي بيرجع فيها من الشغل ومليقيش أكل معمول والعيال مش نضاف وأنا مبهدله بيزعق ... قلت الحاله دى بتتكرر كثير

قالت للأسف أيوه قلت محاولتيش تنظمي وقتك أو تستعيني بمامتك بأن تحضر يوم في الأسبوع تحضرى فيه طعام الأسبوع

وتضعيه في الثلاجه أوتتركي الولاد عندها وتقومي أنتي بهام بيتك كما قولتي لي يوما بأنك سوف تستعيني بماماتك أو حماتك

في رعاية الأولاد ... قالت بصراحه عرضت الفكره دى علي ماما قالت لي أنتي كده حتفتحي عليه فتحه كل واحده من إخواتك

تجيبلي ولادها وأعيش انا في مورستان ....قلت لها يعني الراجل يشيل الطين طول النهار علشان يوفي طلباتك انتي وعيالك

ونهار ميلقاش لقمه يكلها ولا راحه في بيته ويقول جاااى يبقي بيئه ونظرت للأم وقلت لها أيه رأيك في بنات الشاطره ....

دلعي بناتك ماشي بس فهميهم إن بيت الأب حاجه وبيت الزوجيه حاجه تانيه انت في بيت ابوك بتدلعي علشان لست مسئوله

مسئوليه كامله عنه لكن بيت الزوجيه انت مسئوله كزوجه وكأم عرفيها إزاى تدير بيتها مسكيها مصروف البيت خليها تدخل

المطبخ وتعمل أكل يبوظ وتعرف غلطها ومرره علي مره تتعلم علميها إزاى تتعامل مع أهل زوجها وخصوصا الوالدين والأخوه

تسأل عنهم وتودهم بنتك عامله زى اللي مايعرفش العوم ومره واحده لقي نفسه وسط البحر ذنب بنتك في رقبتك

البنت الثانيه الحلوه حبتين تزوجت من جارلهم نفس مشكله الأبنه السابقه ويزيد أنها ترد علي زوجها كلمة بكلمة ودائما تقول له

انت مش من مستوايا انت دبلوم وانا مؤهل عالي انا محدش شافني إلا وقال لي بقي الجمال ده يعيش العيشه دى طبعا

بيتطور الأمر لمد الإيد وهناك عيب أخر فيها انه محذر عليها الإختلاط بالجيران وخصوصا أنهم في غربه لكنها لاتسمع الكلام

من كثرت مشاكلهم الأهل بيحملو هم حضورهم وتتصل بزوجي لكي يفضي نفسه تماما عند حضور إبنتها في أجازه

قلت للأبنه يابنتي في وحده عاقله تقول لزوجها انا كثيره عليك وأيه بقي حكاية انه دبلوم ما انتي عارفه انه دبلوم مؤهل أيه ابو

سنتين بتاعك ده ماهو دبلوم برضه وبعدين إختلاطك بالجيران بحدود في مناسبات وبإذن زوجك وعيب قوى إنك تردى علي

زوجك كلمه بكلمه ولازم تضعي في إعتبارك ظروفه قبل ما يدخل بيته فانتي لا تعلمي ما يتعرض له من مشاكل في العمل

ليه توصلي زوجك لمد الإيد انتو في غربه لازم يكون فيه طريقه مهذبه ومحترمه لتعامل مع زوجك .... من خلال الحديث

مع الزوج ووالدته فهمت شيئ خطير إن الزوجه الجيران ووالدتها يصتنعان المشكله فتغضب الزوجه ,الزوج أجازته قربت

تخلص عاوز يصالح زوجته الزوجه لا تتصالح إلا بهديه من الذهب ويالها من مساومه تسقط من قدر الزوجه وخصوصا

إن الزوج لا يبخل عليها لا بالمال ولا بالذهب ॥

كلمت الأبنه أمام والدتها بأن لامانع أن أسمع نصيحة أمي ولكن ليس فرضا علي أن أعمل بها إن كانت في غير صالحي ॥

وإن كنت تعايرين زوجك بأنه مستواه العلمي أقل منك فالأحرى لكي أن تميزى مايقال لك من نصائح وخاصه إن أمك غير

متعلمه وأفكارها محصوره في كيف تستخلص أكبر قدر من المال من أبيك كحصن لها من غدره في يوم من الأيام ...

قلت لها هذه وجهات نظر تختلف من عقليه لأخرى كل ما أعرفه إن مادام هناك أولاد يجب أن نكون أكثر حرصا علي الأسره

أكثر مسئوليه أكثر تضحيه لأجل حياه سعيده الي حد ما مستقره.....

لاأخبي عنكم إن كلماتي هذه نزلة علي الأم كالصاعقه وأخذت مني موقف لأني وضعت كل اللوم عليها

الأبنه الثالثه ... هي الي حد ما مرتبه في بيتها لها ثلاث تجارب زواج التجربه الأولي زوج ثرى

بعد حوالي أربعة أشهر من الزواج كانت فيهم مسار حديث القريب والغريب الذهاب الي أشهر الكوافيرات لبس شيك ماركات

سياره فارهه هدايا ذهبيه أصبح لها حساب بالبنك وهوب سمعنا بأنها طلقت وبالسؤال قالت أنه كان عاجزا علي أداء حقوقي

كزوجه طب ليه عيشتي كل هذه الفتره معه أو ليه لم تعطي له فرصه للعلاج قالت كثرة شكه خنقتني ففضلت الطلاق .....

علمت بأنها قبل طلبها الطلاق أحضرت مصاغها بحجة إرتدائه في فرح قريبه لها وإفتعلت مشكله لمت معها

كل منقولات المنزل حتي كان الزوج يستعطفهم لترك فرش والدته لإستعماله الشخصي ولكن دون جدوى .....

الزواجه الثانيه سألنا عن الزوج وجدناه غير كفء تعددت مرات زواجه له من الأبناء ثلاثه وبنتين

يقال إحدى زوجاته ماتت مقتوله علي يده والله أعلم ॥وإن العائله ملفها حافل بما لاتحب سماعه أو تراه... بلغنا الوضع للأب الذى قال

البنت قالت عاجبني واحده مطلقه مين يعني حيفكر يتزوجها

بعدها إتصل الأب بزوجي إستعجله في الحضور وعلم زوجي بأن الزوج مرشد للمباحث ويتاجر في المخدرات وأنه يعرف ستات॥ وحاجات ما

تتقلش وتم الطلاق البائن الذى لا رجعة فيه.... وعادت محمله بمنقولاتها وعند زيارتي لها وجدتها تسخر من حالها وتقول

لإمها ولا يهمك يا قمر أنا ح ملا بيتك عفش وح صيغك ياجميل وتضحك الأم وتقول لها وهي تنظر لي شوفي ياختي البت

هو إحنا في أيه ولاأيه ... كثر الكلام عليها فسافرت عند اقاربها بالقاهره ولم تعد إلا لتحضر جنازة والدها

وتزوجت بعد وفاة والدها وجاءت لتضع مولدها وبدأت المشاكل إبتزاز الزوج فرض شروط

علي الزوج ليتم الصلح ورفض الزوج الخضوع لطلاباتهم

محولات زوجي وكل من تدخل باءت بالفشل تم الطلاق

وما زالت المشاكل قائمه حتي تاريخه...

هل لديكم عنوان أخر لهذه القصة الحقيقيه هل انا متجنيه علي الأم

مخطوط دير سانت كاترين

الكتاب المقدس

सतं">http://news.bbc.co.uk/2/hi/uk_news/magazine/7651105.सतं

روجيه بولتون

حاولت اترجم اللى كتبه من ترجمة جوجل الكلام طلع مترجم بشكل عشوائى بس ممكن عن طريق الرابط بأعلى تدخلوا على الموقع وتفهموا هو عايز يقول ايه

وأرجوكم أن ترسلو لي الترجمه علشان

انا فاهمة بشكل مجمل وغير مفصل

وجزاكم الله خير

وشهد شاهد من أهلها

هذا المقالة الاصلية باللغة الإنجليزية
http://karim.gnn.tv/blogs/17347/FOX_s_Neil_Cavuto_asks_whether_Israel_should_exist




وشهد شاهد !!!!!
أهم مقابلة تليفزيونية فى التاريخ !!!
هل تتخيلون رجل دين يهودى يعلنها صراحة فى أهم محطة تليفزيون أمريكية قائلا : يجب ألا تكون هناك دولة اسمها ' إسرائيل '!!
هذا هو حديث الشعب الأمريكى الآن بعد المقابلة التلفزيونية التى أجراها Neil Cavuto من محطة FOX NEWS الأخبارية مع رجل الدين اليهودى الأرثوذكسى الراباى Yisroel Weiss

وبالطبع نظرا لأهمية المقابلة و التى أطلقت عليها محطة الأخبار FOX NEWS اسم
THE MOST IMPORTANT INTERVIEW ON EARTH
وهاهى الترجمة بالعربية
أجرى نيل كافوتو Neil Cavuto : مقابلة لعلها أهم مقابلة تجرى هذه الأيام لأنها سفهت بشكل واضح وبعبارات صريحة تلك الكذبة الشيطانية التي خدعت ذوي النوايا الحسنة حول العالم وأقنعتهم بدعم هذا الشيء الشرير والبغيض الذي يسمي نفس 'الدولة اليهودية '.
الراباى Yisroel Weiss من جماعة اليهود المتحدون ضد الصهيونية يقول ل Cavuto وللعالم أن إسرائيل أفسدت كل شيء على الناس جميعا اليهود منهم وغير اليهود .
الراباى Weiss: هذه وجهة نظر متفق عليها عبر المائة سنة الماضية أي منذ أن قامت الحركة الصهيونية بخلق مفهوم أو فكرة تحويل اليهودية من ديانة روحية إلى شيء مادي ذو هدف قومي للحصول على قطعة أرض وجميع المراجع قالت أن هذا الأمر يتناقض مع ما تدعو إليه الديانة اليهودية وهو أمر محرم قطعا في التوراة لأننا منفيون بأمر من الله .
Cavuto : ما المانع إذن في أن تكون لكم دولة؟ وما المانع في أن يكون لكم بلد تنتمون إليه؟ وما المانع في أن تكون لكم حكومة؟
الراباى Weiss: يجب أن لا تكون لنا دولة .
يجب أن نعيش بين جميع الأمم كما ظل يفعل اليهود منذ أكثر من ألفي عام كمواطنين مخلصين يعبدون الله ويتصفون بالرحمة الربانية .
وعلى العكس مما يعتقد الناس هذه الحرب حرب ليست دينية فقد كنا نعيش بين المجتمعات المسلمة والعربية دون أن تكون هنالك حاجة إلى رقابة منظمات الأمم المتحدة لحقوق الإنسان .
Cavuto: دعني أسألك هذا السؤال أيها الراباى.... هل كانت حياة اليهود أفضل قبل قيام دولة إسرائيل اليهودية .
الراباى Weiss: نعم كانت أفضل بنسبة 100%.... ففي فلسطين لدينا شهادة الجالية اليهودية التي كانت تعيش هناك وغيرها من الجاليات في أماكن أخرى بأنهم كانوا يعيشون في توافق وأنهم ناشدوا الأمم المتحدة بذلك حسب الوثائق التي بحوزتنا حيث أن كبير حاخامات اليهود في القدس قال : نحن لا نريد دولة يهودية .
وعند اتخاذ قرار قيام إسرائيل تم تجاهل سكان ذلك البلد من المسلمين والمسيحيين واليهود .
Cavuto: على أية حال لم يكن لديكم بلد تنتمون إليه ولكنكم كنتم غرباء لدرجة أن تعرضتم للاضطهاد والقتل عبر الألفية الماضية وخصوصا ما حدث قبل خمسين أو ستين عاما؟
الراباى Weiss: هنالك قتل بسبب معاداة السامية وهنالك موضوع آخر عندما تثير العداء بخلق معاداة السامية من خلال الصهيونية .
أي بعبارة أخرى أن الأمر لم يأت هكذا دون سبب .... حيث أنك تطرق نوافذ جيرانك وتدعوهم إلى معاداة السامية .
Cavuto: أنت يهودي أرثوذكسي حسب علمي .... ما هو رأي اليهود التقليديون في ذلك الموقف؟
الراباى Weiss: الرأي الغالب لدى اليهود هو : صحيح أنه لا يجب أن تكون لدينا دولة ... ولكنها قامت ..... غير أن الدعاية الصهيونية بأن العرب يريدون رمي أي يهودي في المحيط وبأن هنالك حقد دفين لليهود مكنهم من إقناع الكثيرين من
اليهود وهو ما جعل هؤلاء يخافون من العودة إلى تلك الأرض .
Cavuto: حسنا ... لا يمكنك أن تلومهم فهذا صحيح .... أقصد أن لديك مثلا رئيس إيران الذي يقول أن المحرقة لم تقع أصلا ولو كان الأمر بيده لدمر إسرائيل وقضى على جميع اليهود .
الراباى ويس Weiss:
هذا كذب واضح .... فهو لديه جالية يهودية في إيران ولم يقتلهم عندما سنحت له الفرصة Cavuto:
إذن أنت لا تأخذ كلامه على أنه يريد قتل اليهود؟
الراباى Weiss: بل هو يريد تفكيك الكيان السياسي .... وفي الحقيقة نحن مجموعة من رجال الدين اليهودى (Rabbis) ذهبنا لزيارة إيران العام الماضي ...
واستقبلنا القادة الإيرانيون والتقينا بنائب الرئيس حيث أن الرئيس كان في زيارة إلى فنزويلا في ذلك الوقت والتقينا كذلك بالزعماء الروحيين وكلهم بينوا وبكل صراحة بأنهم ليسوا في نزاع مع اليهود .
Cavuto: إذن أيها الحاخام أنت تعتقد أنه طالما أن إسرائيل موجودة فلن تأتي بخير .
الراباى Weiss: اليهود يعانون والفلسطينيون يعانون ونحن نصلي من أجل التعجيل بتفكيك هذه الدولة اليهودية بطريقة سلمية .
Cavuto: إنه لأمر مثير أيها الحاخام ..... فهي وجهة نظر لا نسمع عنها في الغالب .
الراباى Weiss:
لا بد من نشر هذا اللقاء في جميع أنحاء العالم بأسرع ما يستطيعه البشر. وهو بين يديك ..
إنتهت المقابلة المثيرة و التى بالفعل أدهشتنى!!!
بقلم
Poker Face

هذا المقالة الاصلية باللغة الإنجليزية
http://karim.gnn.tv/blogs/17347/FOX_s_Neil_Cavuto_asks_whether_Israel_should_exist

-- وَعـيـنـُكَ إن أبدَت إلـيـكَ مَـعـايِـبـاًفدَعـهـا وقـُل ياعيـنُ للنـاسِ أعـيُـنُوعاشِر بمعروفٍ وسامِح منِ اعتدىودافِـع ولـكـن بـالـتي هـيَ أحـسَــنُ

من أرشيف حياتي( ممكن يبقي ليه أكثر من زوجه ولكن ليس لي غير أم واحده)

هي حكايه ممكن تكون بتتكرر كل يوم لكن أسمحو لي بعرضها عليكم يمكن نطلع منها بحكمه

أو تكون سبب في حل مشكله....

هو إبن وحيد لأمه الأرمله ।ترملت وهي شابه في الخامسه والعشرين من عمرها وسنه لم يتجاوز

الثلاث سنوات عرض عليها رجال كثيرون الزواج ولكنها أبت وعاشت حياتها لإبنها حتي تخرج من كليه التجاره

والتحق بعمل حكومي ولأن مهنة النجاره يمتهنها رجال عائلة والدته فهويحبها فقد كان يعمل أثناء الأجازه

بأحد الورش وأستمر بها حتي بعد إلتحاقه بعمله الحكومي ...عرضت عليه والدته الزواج فوافق علي

شرط أن تختار أمه العروس فقالت له أمه علي بركة الله , وإختارت إبنة أخيها التي تعيش بمحافظة

بني سويف مدرسه يعني تساعده علي المعايش وليست غريبه ولأن العريس من سكان القاهره فإنتقلت الزوجه

إلي هناك وبدأت حياتها الزوجيه تصحي الزوج وتعد الفطار وفي هذه الأثناء يدخل الزوج علي أمه ييقظها

ويقبل يدها ويسألها إن كانت قادره علي الخروج للأفطار معهم علي المائدة أو يكون الأفطار بغرفتها ॥

وكان الأبن يطعم والدته بيده ويلتفت ليطعم زوجته , فأثار هذه غيرة الأم ولاحظ الأبن ذلك فتكلم مع زوجته

يطيب خاطرها وإستسمحها بأن تعذره إن لم يفعل هذا أمام والدته ,ولكنه كان يدللها بعيدا عن عيون والدته॥

وكان كثيرا ما يعود من عمله ويجد أمامه كم من الشكاوى التي لاتحتمل ودائما كانت من والدته كانت تستقبله

بالبكاء علي حظها العاثر وإبنة أخوها الجاحده الناكره للجميل وكان يرضي أمه ويدخل علي زوجته يجدها صامته

يقترب منها ويطيب خاطرها ويقول مهما كان دى عمتك وحماتك ودى ست كبيره تعال بوسي علي رأسها وتأسفي لها

وكانت تفعل ,,,وأحيانا كان يقوم بالتمثيل علي أمه أنه يضرب زوجته ويطلب من زوجته البكاء والصريخ ......

وفي يوم كان عائدا من عمله متعب ومنهك وسمع صوت والدته وهي تكيل لزوجته الشتائم وسمع زوجته وهي ترد

عليها ياشيخه إتقي ربنا فيه وفي إبنك الغلبان روحي منك لله يربنا يخدك يايخدني أنا زهقت ومش قادره أتحمل ॥

وفي هذه الأثناء فتح الزوج الباب ولم يشعر بنفسه إلا وهو يضرب زوجته التي جرت علي الباب وخرجت قاصده

بيت أبيها ॥وحكت لإبيها معانتها وكيف أنها تحملت من أجل زوجها الكثير لأنها تعلم جيدا طبيعه عمله فهو يخرج

من السابعه صباحا ويعود في العاشره مساء وبرغم تعبه يوزع القبلات والإبتسامات ويدادى ويدلع وهو في أشد

الحاجه للراحه الهدوء ولكن هيهات أن ينالهما قبل أن يطمئن إن والدته إتعشت ونامت وبعدها يدخل غرفته ليلقي

بكل همه اليها ويطلب منها أن تتحمل من أجله فهو لايريد أن يكون الأبن الجاحد لأمه التي ضيعت شبابها وعمرها

من أجله ॥تفهمت الموقف ياأبي لكن فاض بي الكيل وكان ماكان في هذا اليوم المشئوم ...

إستطاعت الزوجه الحصول علي شهر أجازه مرضيه وكانت علي وشك الوضع المهم تدخل رجال من العائله لحل

المشكله وحضر الزوج ليصالح زوجته وحكي كل منهم وإستمع الحاضرون وخرج رأى بأن يأجر الزوج شقه لزوجته

علي أن يقوم برعاية أمه .... قال اانا طبيعة عملي لاتسمح لي بأن أفعل ذلك أنا بتعب لأن أملي أن تكون لي ورشة

نجارة خاصة بي ووقتي لايسمح بأن أرعي والدتي وأسمحو لي أنا أعلم أن أمي تغير عليه وتحبني بجنون وأقدر تفهم زوجتي

لهذا وسبب مد يدى عليها لإن لم أجد رد فعل يرضي أمي غير ذلك أنا ممكن تكون لي أكثر من زوجه لكن لم يكون لي غير أم

واحده وأنا لست علي إستعداد أن أهونها في أخر أيامها حتي لو هي غلطانه انا بحب زوجتي وبحب أمي لكن لو في وضعت في موضع

إختيار سوف أختار أمي ... إن كنت ياأبنة الخال تردين مواصلة الحياه معي نربي إبننا في جو أسرى برضا أمي أهلا

وسهلا إن كان هذا صعب عليكي فسوف أعطيكي حريتك وأنتي أبنة خالي وأم إبني وده أخر كلام عندى .....

خرجت الزوجه من الحجره وعادت بعد عشرة دقائق تحمل حقيبة ملابسها وعادت مع زوجها إلي القاهره ودخلت علي

عمتها قبلت يدها وطلبت منها أن تقبل أسفها وتسامحها , وعاشت وتحملت حتي مرضتت الأم وقامت برعايتها وحصلت علي أجازه

بدون مرتب لكي تتفرغ لخدمة منزلها ورعاية عمتها حتي توفت العمه إلي رحمة الله ...وكانت في هذه الأثناء قد أنجبت

بنت وولدين ...وكانت كل ماتتذكر حماتها تدعو لها بالرحمة وتنظر إلي زوجها وكأنه تقول سامحيني إن كنت سببت لك

ألم في يوم من الأيام وكان يأتيها الرد بإبتسامته المعهوده وكان يربت علي يدها ويقول لها تعيشي وتترحمي والي عملتيه

مع أمي ربنا يجزيكي بيه خير إن شاء الله ॥

تمت بحمد الله

كل عام وانتم بخير

وكل عام وحضرتكم بخير بمناسبة العام الهجرى والعام الميلادى كل عام وانتم أحسن من اللي قبله

ياأهلي وناسي ياولاد بلدى ياولاد وطني اللي أى نغزه في حته منه بتوجعني وتألمني وده بجد

مش كلام علي الفاضي أحنا ممكن نتحمل أزمه إقتصاديه ممكن نقف أمام حملات إدعائيه

لكن أحزن لما أخويا يشهر بيه ويكون سلاح العدو الموجهه ليه ॥أحزن لما شقيقي يغزني

بسكينه تلمه وينسي وقفتي جنبه ويتنكر لإيدى اللي دايما ممدوده ليه ॥ممبخلتش عليه بالمال

بالدم قدمت خيرة شباب ولادى في كل بقعه من وطني العربي حتلاقي دم شهيد مصرى في

اليمن الكويت العراق فلسطين الجزائر حتي في البني والتشيد حتلاقي جنود وشهداء التعمير

يتعمل لهم نشيد ॥


أنا كبيره ومهما شابيتو مش راح تطولوني وحتي لوشديتو البساط من تحتي مش راح توقعوني

رجلي ثابته ومجدره أنا ليه مواقف شهامه ورجوله معاكم كتير مش للتصوير التلفزيوني ولا حب

في المنظره لإن الرجوله والشهامه في دمي إحساس بأنها واجبي ومش بستنه شكر ولا محتاجه

تلمعه ॥قبل ماتنادوني بجرى عليكم وأيدى قبل إيدكم تمسح دمع عنيكم حتي لما دقات نقص بتصدر

منكم في وقت شدتي مش بعاتب ولا بلوم عليكم علشان انتم لسه أصغر من العتاب وضعاف في الحساب

رحلة كفاحي اللي ليها أكثر من ستين عام إستنزفتني ونزفت من قوتي كل ثمين وغال وقفت علي فتح معبر

وقفل باب ॥ورصاصه منك ياخويا ترشق في قلب أبن عليه عزيز في لحظة طيش فكرى ورعونه في تصريف

كنت ممكن توجهها الإتجاه الصحيح لليهودى اللي بيدبح فيك وبيقطعك اللي نجح أنه يشتتك ويشكك حتي في جواك

اللي خلا حدود نظرك عند أصبع قدمك وسمحت للموالي وأنصاف الساسه بالكلام عن تاريخ لم يعو عليه كانو لسه

مشاريع لبني أدم أوكانت أمهاتهم بتخيط ليهم كوافيل...حدودك لم تقف عند حدودى أخي أنت ليك أكثر من معبر وباب

لكن هذا المعبر بينك وبيني يعني عند

عدوى وعدوك الكثير ...وللأسف بعض من أشقائنا يضللوك لمكاسب شخصيه لهم تحالفو مع العدو من أجل كرسي

لم يدوم مهما طال الجلوس عليه ولم يرحمك التاريخ ذاكرة الشعوب حاضره ترصد السقاطات كما ترصدالبطولات
تتحالف أخي مع الشيطان من أجل ماذا إبعادى عن الرياده إبعادى عن التواجد السياسي في المنطقه فعلوهاإبائك من قبلك

أخدو العزال ورحلو ولكن ظلت الجامعه العربيه كيان علي أرضي وجالو وصالو وفعلوكل ما في وسعهم لإبعادى

وأخيرا عادو لي وألقو بمشاكلهم علي كاهلي ولم أنوء بحملكم وتنواب رجالي حمل أحمالكم ولكنكم كنتم دائما مصدر

ألم وشقاق فلم تتفقوا إلا علي ألا تتفقوا ॥

كل عام هجرى وميلادى قادم وانتم أكثر تعقلا وحكمه أكثر خوفا علي مصلحة شعوبكم أكثر قدره علي معرفة عدوكم

أكثر علما بمواطن الأمور وبصيرة تنير القلوب كونوا وحدة لاتكونو فتات توحدوا علي ألا تعودو لما فات من خلاف

وتضاد ॥هل إستمرأتم الدمع والنحيب إلي متي الفرقه إحتياجنا بعضنا لبعض أقوى من أى وقت مضي لاتجعلو ظهوركم دون

حمايه لأن عدوكم غادر ولا تفتحو صدوركم دون تعقل حتي لاتكون نهايتكم ...
هناك حكام غرورهم يدفع ثمنه شعوبهم وعندنا في الوطن العربي أمثله كثيره علي ذلك نأمل في شئ من العقل والتعقل

كل عام هجرى وميلادى وانتم بخير والأقصي في حضن بلادى وفلسطين دوله حره و يكون الحال أحسن في عراق فيه دم أخ لأخ أراق وسودان في شقاق

وليبيا معاهم معاهم عليهم عليهم وأنا هنا أديتك جرش ولسه لي عندك باق أى فتح خشم يبجي كلام وكويت أختي المدللة تتشدق بامريكيتها تتبعها

جيران للبذخ عشاق وسعود ومصر يرتق ثوب أعياه كثرة ثقوب لم يدويها إعلام يصور سلام وعناق ॥فهناك عدو يترصد

لايعرف عهود ومواثيق ولايحترم الأخلاق أنه أشرس من ذ ّئب متعطش للدم يعمل علي أن يكون بينكم فراق وهي سياسة

تعلموها ولكن نسيتموها في غمرة صراع واهي كتبه عليكم لتفنو ويظل هو باق أنسيتم سياسة فرق تسد صهيون حريص

علي تفريق شملكم وأنتم تساعدوه بغباء

مش عايزين فرحتنا تتوقف علي قذف الزيدى لبوش بجزمه دى البدايه للدفاع عن الكرامه العربيه مش أسلوب الردح

وتزيف الحقائق لسه فيه كبار ممتوش والذاكره عندهم تمام فلسطين بدأ من منظمة التحرير الفلسطينيه وحتي حوماس وحوزيب

الله وهذا البشار وقطيره وأخريين سياسة النفخ في البلونات لاينتج عنها غير فرقعه في الهوى بعدها يقع البلون ممزق علي الأرض

صريع لأحلام في الهوى كثير ترك نفسه لها فإكتوى

كفايه بقي علشان انا زهقت كلام وحاسه إن إنتم كمان زهقتو ا

لكن برضه كل سنه وانتم طيبين وأحسن من كل السنين

من أرشيف حياتي (لولاك ياكمي ما أكلت يافمي)

في أحد حوارتي مع أبي رحمة الله عليه وكانت عن تأثر الناس بالمظهر الخارجي للأنسان

دون الأهتمام بجوهره....وكنت متحمسه لرأيى وأقول إن علم الواحد وقدرته علي الأبداع

تجمله وتغطي عيبه سواء كان في المظهر أو عيب مادى ..... أبي كان له رأى أخر إن

المظهر في المقام الأول لأن لو مبدع هل عليه أنا أيه عرفني انه مبدع إلا إذا تعاملت مع عقله

لو جاني مهندم ونظيف سوف إستقبله وعند حوارى معاه سوف أزيد بأنه صاحب عقليه مبدعه


عكس لو مظهره مقزز أشعث غير نظيف البدن والملبس سوف أفر من أمامه قبل أن أتعرف عليه


وحكي لي والدى رحمة الله عليه هذه القصه:

يحكي أن أحد التجار الأثرياء كان في رحلة تجاره شاقه وعند مروره بالقرب من بلدته وجد أناس

يفترشون الأرض حول مائدة طعام تحمل مالذ وطاب ألقي السلام وأخذ مكانه بينهم وعندما هم بالأكل

صرخ أحدهم فيه يارجل ألاتغتسل وأنت أشعث أغبر هكذا أعتذر الرجل وذهب وإغتسل وإبتاع حلة جديده

وأمتطي دابة وعاد لهؤلاء القوم وألأقي عليهم السلام فردو عليه السلام وتسابقو في الأفساح له وجلس ليأكل

وكان عندما يأكل يسقط كمه في الطعام فيحذره القوم من إتساخ كمه فكان يقول لهم :

لولاك ياكمي ما أكلت يافمي

فعلا المظهر يغلب علي الجوهر وخاصة هذه الأيام ... وهناك مثل قديم يقول فوت علي حبيبك معرش ومتفتش


عليه مكرش ....

المظهر والشياكه واللباقه والعلم كلهم من مكونات الشخصيه أيه المانع من الواحد يرونشن نفسه بلغة العصر

من أرشيف حياتي أسفه مش فكراكي

كنت في جوله تسويقيه أشترى فيها ملابس من شارع به محلات للبيع بالجمله والنصف جمله ।وعند تحدثي مع البائع

سمعت صوت فرمله سياره التفت لأجدها تنزل من السياره لتطمئن علي السيده وتعلن عن إستعدادها بتكفل بأى

مصاريف في حالة إصابتها ...في هذا الوقت مر بي شريط الذكريات وقلت في نفسي تهاني ياه زمن مشاء الله

واضح عليها العز حمدا لله عوضها خير أخذت تقترب ومع دنو الخطوه تتسع إبتسامتي ويتلاحق شريط الذكريات

علي صورة هذه الفتاه القابعه في ركن من سطح الجيران في عز شمس أغسطس تتألم جوعا وعطشا فقد ضمت لأبيها

بحكم محكمه ॥ولأن زوجة ابيها سليطة اللسان وأبوها ضعيف الشخصيه ॥ ترك الأب لزوجته مطلق الحريه في تربية

أقصد تعذيب البنت المسكينه كان يفصل سطح بيتنا وبيتهم صور خشبي سألتها مالك قالت لي بصوت أشبه بمواء قطه ضعيفه

جعانه وعطشانه ... نزلت درجات السلم مسرعه لأخبر أمي رحمة الله عليها فأعطتني الموجود وزجاجة ماء ...طلبت مني

الفتاه أن أقدم لها الطعام ساندوتش ليسهل عليها إخفائه في حال ظهور زوجة أبيها أو أحد أخواتها لأبيها ॥

أستمر هذا الحال فتره طويله حتي يوم طلبت مني الفتاه ابلاغ والدتها بما تلاقيه من عذاب وإستطاعت والدتي القيام بهذه المهمه وإتصلت

الأم بالشرطه وأثبتت حالة التعذيب علي الأبنه وأستلمتها جدتها لوالتها .....وعلمت زوجة الأب بدور أمي في هذا الموضوع

ونالنا منها طلقات من شتائم وإهانات إلي حد قامت بتسليط أحد أقربها مسجل سرقه بسرقة منزلنا لولا ذكاء كلبتنا فله وكلبنا إيدن

الذى سأحكي عن نوادرهم قريبا ॥

وقفت الفتاه بجوارى عدت من رحلة الذكريات قلت لها أزيك ياتهاني نظرت لي وقالت أسفه مش فكراكي قلت لها وفاء جارة زوجة أبيك

تجاهلتني ونظرت للبائع عندك ملابس داخليه ل وأشارت لأبنها جاء البائع بطلبها دفعت الحساب ومشت دون أن تلتفت لي وتركتني

وأنا أشعر بالخجل وقال لي البائع عادى ياأبله الدنيا بتغير ناس كتير

قصصت علي أمي رحمة الله عليها رتبت علي كتفي وقالت لا تغضبي منها هي معذوره تريد أن تنسي هذه الأيام العصيبه بحلوها ومرها

وإلي الأن أسمع صوتها أسفه مش فكراكي ...

بوش أخد بالجزمه

مين فينا لم يتمني ضرب بوش بالجزمه , من فينا مش عايز يروح يقبل يد

الشاب العراقي منتظر الزيدى الذى القي بحذاءه علي بوش....مين فينا مش عايز

يمسك أى إيد أورجل إتمدت علي منتظر ويقطعها ॥مين فينا مش عايز يطمن علي

منتظر ويدعوا لله أن يتولاه برحمته ...ياترى يوجد في أى معتقل من معتقلات

راعية حقوق الإنسان أمريكا العظمي...

اللي لولا الملامه لتجرد الوطن العربي من الأٍسلحه حتي لو كانت سكاكين المطبخ خوفا علي

صديقتها الأنتيخ إسرائيل من العرب البرابره والمسلمين الأرهابين كما يصفوننا قاتلهم الله

الدفاع عن الحق عمل من

أعمال البرابره والموت من أجل حرية الوطن إرهاب ومن لايكون مع السياسه الأمريكيه فهو عدو لها

يالها من بلد ديمقراطيه.... إسرائيل عندها مفاعلات نواويه وايه يعني ..بتستعمل ضد المواطنين

العزل في فلسطين أسلحه محرمه دوليا وفيها ايه ماهم بيضربوها بالحجاره ...إسرائيل في عز الشتاء تمنع

الكهرباء والماء والدواء والعلاج عن الشعب ا لفلسطيني ومحدش يقدر يقول تلت التلاته كام ماهي حقوق الإنسان دى بيقصد

بيها حقوق الإنسان الأمريكي و الإسرائيلي والأوروبي ... لكن الأنسان العربي ليس له أى حق

أمريكا تهد كيان دوله عربيه عريقه تشرد أهله وتتحكم في مقدراته ووعد المضروب بالجزمه أنه

وجوده بالعراق من أجل تحقيق الديمقراطيه والحفاظ علي أمن البلاد أى أمن هذا الذي يفتت دوله

شيعا وقبائل ويشيع الفتنه بين أفراده ليقتتلو ويتناحرو فيما بينهم وأجد انا المحتل حجه لوجودى بأني باقي حتي يحل

الأمان بين أبناء البلد... بعد أن أغار وحرق وشتت وخرب وأعلنها حرب صليبيه وأعتذر علي

مضض ولبس قناع الملاك الحارس علي شعوب العالم العربي اللي جزء منه عائم علي براميل بترول

والجزء الأخر يعاني من الأزمات المختلفه ॥ وبوش بيكبش من البلاد البتروليه أتاوه عن وجوده في مياه

عربيه كحارس لها॥ أما البلاد العربيه المتأزمه ماليا وإقتصاديا والتي تدعي أمريكا صدقتها لها أقصد

صدقتها عليها بين كل بسمه صفراء وأخرى تلويح بتهديد بمنع المعونه أو بتفتيش عن أسلحة دمار شامل

صال وجال بوش وتسبب في ألم في نفس كل عربي حر ونهي حكمه بأزمه إقتصاديه عالميه ॥فهل كتير

عليه أن يضرب بالجزمه ....بل بالجزم

هل لايستحق هذا الأبله الضرب بالجزمه وهو يرسم علامات الأسي علي وجهه ويقول علي إستحياء وده علي إعتبار انه عنده دم بإنه أخطأ في حربه علي العراق بسبب معلومات خاطئه كده وبكل بساطه ياترى من سيحاسبه علي ما فعل بأبناء هذا الشعب من سيحاسبه عن تلك المعتقلات المنتشره في عديد من دول العالم في الوقت الذى يتشدق بكلام عن الحريه والديمقراطيه ... من سيحاسبه علي مساندته للصهاينه في قهر الفلسطينيين وتعذيبهم ...أرجوكم أن تنثرو علي وجه ضمير العالم ماء مثلج كالدم الذى يجرى في دمائهم كي يستيقظ من غفلته॥

لو سنحت الفرصة لإى احد فينا بإلقاء جزمته علي بوش لفعل

إن منتظر الزيدى لم يفعل شئ أكثر من التعبير عن رأيه في بوش وسياسته ودى حرية رأى

ياحامي الحريه في الأرض . الحريه التي إستخدمتها الغرب في أهانة رسول الله محمد عليه الصلاة والسلام


وإتهمتونا بالتخلف عندما دافعنا عن رسولنا الحبيب لابشئ سوى المقاطعه وهتافات مستنكره لهذا الفعل المشين



نحن نعلم جيدا أنكم سوف ترفعون أيديكم من جريمة تعذيب منتظر الزيدى وسوف تقولون انه يعذب من قبل النظام العراقي


متفرقش كتير فأنتم الراعي الرسمي لهذا النظام,تربية إيدك وإلا لما مد يده ليحمي وجهك القبيح من جزمة الزيدى ولكن الجزمه


ذهبت لمكان تعرفه جيدا هو رأسك فهما صديقين।

هل ضرب بوش بالحذاء لايساوى إعدام صدام حسين رئيس الأسبق للعراق في يوم عيد


الأضحي ومايرمز له إختيار هذا اليوم بالذات لتنفيذ حكم اللإعدام علي صدام دون مراعاة



لمشاعرنا كعرب ومسلمين .......بصرف النظر علي ماإقترفه صدام حسين في حق شعبه ووطنه

وكان أولي أن يتركه لشعبه يحاكمه ده لوبوش من أنصار الحريه بجد...من نفسنا مره نعبر عن رأينا


بحريه والجزاء من نفس العمل ده لو كده بقي بوش ح يتقطع كقطيع...



يسلم إيدك يا منتظرراجل من ضهر راجل , أنت لم تشرف العراق فقط بل شرفت العرب كلهم


وإن كان بوش بيقصد إن كل اللي لفت نظره إن الجزمه مقاس عشره بمعني إنك عيل فيالك من عيل شجاع


كفايه إن جزمتك دخلت التاريخ من أوسع أبوابه ॥وسيسجل التاريخ إنحنائة بوش لجزمتك

ويابوش إن كنت تقصد هذا المعني فيكفيك شر ثورة غضب الرجال

ماذا كنت تنتظر من منتظر

قهر ظلما منك فألقي بحذائه

علي رأسك القذر

فياعرب هلمو اليس بمنتظر

بينكم أخرعلي الظلم ينتصر

من قلبي بدعيلك بالثبات وربنا معاك قادر يحفظك ويرعاك

يا منتظر

رب صدفة خير من الف ميعاد(२)

الصدفة الثانية



الأم والأب يجلسون علي مائدة الإفطار ينادون علي اولادهم (بنت وولد)





يسمعون صياح الأبنه...الأب هو فيه آيه حتعقلو امتي انتم في الجامعه....





الأبنه عضني من صباعي يابابا .... الولد حطت صباعها في بقي وانا بتاوب وقبل





محط إيدى علي بقي صباعها سبقني ....





الأب عيب انت كبرتي علي كده ....البنت أسفه يابابا كنت بهزر معاه بس هو غلس





عددت صحبتها عليها ونزلت سلام بقي عندى عملي النهارده وحأخر





كانت في نهائي علوم .... كان اليوم طويل وممل خرجت من الكليه تجر رجليها جر





وقفت وصحبتها في إنتظار أى حاجه توصلها ... وفجأه وقف بجوارهم بيه بكرافت





وشنطه سيمسونايت وأثناء محاولاتهم لإيجاد وسيلة مواصلات رأت البيه يتثائب





وما هي إلا لحظات وكان صبعها في فمه فأطبق عليه بأسنانه .... فقالت أأأسفه





ده يوم نحسي النهارده عضتين في يوم واحد ॥لو سمحت صباعي .....قال لها ياأنسه





ده أسمه كلام ده شيئ غير معقول ...وحاولت الإعتذار وتدخلت الصديقه وفي هذه الأثناء





وقفت سياره فخمه ركبها اخينا طلب من السائق الإنتظار علي جنب حتي ركبت الفتاه التاكسي





وتتبعها حتي منزلها وأخذ يراقبها لمدة شهر ويسأل عنها حتي تأكد أنها من أسره محترمه ...





وتقدم لخطبتها .... وسأله والدها عن سبب سوأله كل هذه المده عنهم فقال أنه أعجب بها ولكن الموقف





الذى صدر منها كان غريبا عليه وخصوصا إن طريقة كلامها وملبسها يقول إنها متربيه حبيت إن أتأكد





بالسؤال عليها وعلي الأسره فسمعت ماسرني أما بالنسبه لموضوع صبعها ده حشوف ليه حل إن شاء الله


وتمت بحمد الله

من أرشيف حياتي رب صدفة خير من الف ميعاد

النهارده ح نتكلم عن الصدفه اللي كان ليها دور كبير




مع ابطال هذا البوست وعلي فكره قصتيين حقيقيتين ।





الصدفة الأولي :



فتاه تعيش مع والدتها في بيت يملكونه مكون من دوريين هكذا بني كرغبة أبيها رحمة الله عليه



قال لوالدتها علشان أول البنت متتجوز ننزل إحنا في الأرضي وهي تعيش في الشقه دى...



كانت فراشة الحي الشعبي التي تسكن به وكانت محبوبه هي ووالدتها من جيرانهم ।,وسيرة



أبيها المشرفه كانت وسام علي صدرها ।وهي كمان بنت بلد جدعه , كان فيها عيب واحد بيضايق



والدتها منها إنها تلقي بالماء المتخلف من عمليه التنظيف بالشارع فكانت تنصحها بعدم فعل هذا



أو علي الأقل تلقي نظره أولا حتي لا تؤذى أحدا ....ولكن لا حياتا لمن تنادى...





في أحد المرات وكان يوم أجازه رسميه جرت علي أمها تلطم خديها إلحقيني ياماما خبيني ياما ما ...الأم بسم الله الرحمن الرحيم





فه ايه... الجردل لبس في واحد وطالع علي السلم ॥ الأم يخربيتك يامجنونه يابت المجنونه طب غورى جوه





رن الجرس فتحت الأم الباب فوجدت شاب كالكتكوت الغرقان يحمل الجردل بيده واضح انه كان متشيك وعلي





سنجة عشره وقبل م يفتح فمه قالت الأم ياحبيبي يابني إتفضل ياضنايه وسيبني أخلص علي البلوه اللي جوه دى





الشاب خلاص ياأمي حصل خير ॥ الأم ابدا دى لازم تتربي ميت مره أقول لها بلاش العاده الزفت دى





مفيش فايده لو انت مش راجل كمل ومؤدب عمرك ما كنت حتسكت واحنا ولايه يابني.....





خلاص ياأمي بس انا دلوقت عاوز أنزل ممكن بس تليفون لوسمحتي ....





كان علي عيني يابني طب ليه عاوز التليفون ...علشان أعتذر لصحابي وأبلغهم اني حتأخر وأتصل بالبيت





حد يجيب لي لبس ....( نسيت أقول إن الحكايه دى واللي بعدها من حوالي 30سنه)





طلعت البنت من غرفتها هي كيميا ياعم نص ساعه وتبقي فله الأم بفردة الشبشب غورى من وشي





الشاب يدارى إبتسامته...قامت الأم وأحضرت له جلابيه والله ياإبني بشوكيتها محد لبسها غيرك ॥





عمك الحاج الله يرحمه ملبسهاش وأنا كل كم شهر اغسلها وأكويها ॥الشاب كتر خيرك انا مش عاوز





اتعبك معايا ......تعبك راحه ياأبني .....تركت الجلابيه وأغلقت باب الحجره وإتصلت بإخوها





وطلبت منه الحضور بعد محكت له الموقف ...ووعدها بالحضور ...





انتهي الشاب من تغير ملابسه ونادت الأم علي إبنتها لكي تنظف الملابس وقامت هي بعمل كوب من الشاى





وستأذنت الشاب لإعداد طعام الغداء ....وماهي إلا لحظات حتي جاء شقيقها وقام بالترحيب والإعتذار للشاب





ونادى الخال علي ابنة شقيقته ॥راجل ده مايستحقش منك الإعتذار ولاآيه دى حتي تبقي إلة ذوق .....





أحمر وجهه البنت خجلا ( أيام م كان فيه حيا) اصل أأأأأأأأأأصل وهات يعياط خلاص سد سد





انجزت الأم طعام الغذاء ووضعته علي المائده ودعت الجميع لتناول الطعام وكانت جلسه رائعه تخللتها تعليقات





لاذعه علي الموقف وسط ضحكات الجميع ....وبعد طعام الغداء وأثناء تناول الفاكهه نظر الشاب





الي الأم وشقيقها قائلا ممكن أطلب طلب ॥قال الرجل إتفضل تحت أمرك ....





قال الشاب العفو ياعمي انا طالب إيد الأنسه .... الرجل في دهشه كده خبط لزق





الشاب انا حسيت في وسطكم بأني أعرفكم من زمان جو من الألفه والموده بصراحه مرتاح ليكو





قال الخال والله ياأبني إدينا فرصه نسأل عليك دى بنت ويتيمه والجواز مسئوليه....وبرضه نسألها رأيها





وإلتفت الخال فلم يجدها ,فذهب لحجرتها قال لها طبعا سمعتي كل حاجه آيه رأيك إبتسمت وأشاحت وجهها





بعيدا طيب ياختي وصلت ...ذهب الخال ليبشر الشاب الذى طلب ملابسه وإرتداها وخرج مسرعا ... وبعد





حوالي ساعه عاد ومعه والديه وأخته وما أن رأى الخال والده حتي تعانقا وتذكرا معا أيام الطفوله والشباب





وعلم الخال من والد الشاب إن أبنه كان في طريقه للذهاب لرؤية عروس قريبه لزميل له وكان مدعو ا علي





الغداء عند صاحبه لكن القسمه والنصيب وبعد إتمام الإتفاقات قامو بقراءة الفاتحه ونزلوا لإختيار الشبكه





وتم الزفاف خلال وقت وجيز وعاشت كما وصي والدها في بيتها مع زوج كان بمثابة الأبن لأمها





حتي توفها الله ....



وكان يتذكران تلك الصدفة الجميله التي جمعتهما علي خير بين الحين والأخر وكان يقول لها ضاحكا





لولا الحاجه الله يرحمها كان ربنا وحده هو العالم انا كنت ح عمل فيكي آيه ....كانت ترد قائله ياعم روح كده وانت





كانت حالتك لاتسر عدو ولا حبيب ورق علي مناخيرك وفتل الخيش علي رأسك ومبلبل وجردل في إيدك





ومصدقت لبدت في جلابية المرحوم ابوبيا وبنته ياعم ده انت راسم علي الحوار ده

من وحي بوست نوافذ ..نوافذمن مدونة صعبان علي حالنا

أوعي تنسي في يوم أمك

لوسافرت وراجع تاني

أوهاجرت وللرجوع مش ناوى

أوعي تنسي أن ليك هنا

قلب حبك وبيتشوقلك

وعين بتحضن صورتك

وشمس بكره بتندهلك

تعالي يوم شوف أهلك

وصدر في يوم ضمك

أوعي تنسي في يوم أمك

رغم قسوة بعادك

شيله هم غطاك وزادك

بتجرى تتحسس مكان فرشتك

وتضم ليها هدمتك

وإن قابلت يوم حد من صحابك

تحكي معاه عن زكرياتك

وتهرب بدموع عنيها

لحقيقة غيابك

علي صوره ليك علي الحيط

وصوت رنين تسمع منه صوتك

وفي لحظه يصحي فيها الحنين

تجرى علي شباك وتبص هناك

يمكن تلمح طيفك كما العاشقين

وتتمني من ربها تفضل روحهامتعلقه

لأجل تشوفك رؤى العين

أعمل بكلام ربنا وإخفض ليها الجناحين

وأوعي تنسي في يوم أمك

ده مهما خدت أعلي الشهادات

أو كترليك في البنوك حسابات

أو كان ليك أجمل الأولاد وأحلي الزوجات

مش راح تشعر بأى لذه في الحياة

لو أوان وصالك ليها فات

يومها لاح يفيد بكي ولا تكفي تلال مناديل

ولايدفيك الحضن البديل

إحساس بالذنب يصاحبك

وتعيش عمرك في ليل

وتتمني تعود للحياة وتبوس قدمها واليدين

فوء قبل يوم ماينفع فيه الندم

وتخسر الدنيا والدين

وأوعي أوعي تنسي في يوم أمك

هو آيه اللي بيحصل ده

هو آآآآآآآآآآآآيه إللي حصل ؟

لإن فرص العمل في محافظة بني سويف قليله والأجور أقل

أتصلت بأبن خالتي بالقاهره يلحق أبني محمد أخر العنقود بالعمل

بدار النشر التي يملكها ومحمد خريج إدارة أعمال ولديه خبره

بصيانة الكومبيوتر وحاصل علي عديد من الدورات ....

ولأنها اول مره بعاد ومحمد سنه الأن 21لايعرف عن الحياه غير بيتنا و

اصحاب يملكون سيبرا يقضي فيه أبني أكثر من 20ساعه يوميا

ساعات نومه 4ساعات فقط وهذا كله دون مقابل غير احساسه انه واقف وقفة رجوله

مع أصحابه حتي عندما فكروا في الأجر كان حاجه تضحك 80جنيه

ومن هنا كان قرارى أن يعمل أبني بالقاهره وفي رعاية خاله

وكنت أتصل بيه في اليوم حوالي أربع مرات زى الأنتي بيوتك

ده غير إتصال اخواته بيه للأطمئنان عليه ....طبعا كانت حالتي

النفسيه صعبه عندما أضع الأكل أسأل نفسي ياترى هل أكل ولا لسه

وأتصل محمد كلت أيوه ياماما متشغليش بالك بيه انا كويس ....

بالليل لو حسيت بشوية برد أتصل انت نايم ياحبيبي ... أيوه ياماما

متغطي كويس والله العظيم ياماما متغطي .....

بعد مرور أسبوع سافرت أبنتي له لإعداد الطعام له ووضعه بالثلاجه

مع سخرية خالها منها آيه ياجماعه أنتو حسستوني بإن الواد في غربه

أيه كميه العواطف اللي تخنق دى ...سيبوه يعتمد علي نفسه ......

رجعت ابنتي وطمنتي عليه الأسبوع الثاني طلبت منه الحضور وده كان يوم

الخميس 27نوفمبر ركب من المنيب الساعه 6مساء علي الساعه ثامنه إلا الربع

إتصل بصوت يشبه الهمس الو ماما ॥ أيوه عامل أيه وانت فين دلوقت।


انا كويس إديني أختي بسرعه أعطيت الموبايل لأخته وركزت علي ملامح بنتي

قطبت مابين الحاجبين وظهر علي وجهها الفزع ... وقالت إ قفل دلوقت وأنا حتصرف

قلبي وقع في رجلي وارتميت علي أقرب كرسي وليس علي لساني غير أستر يارب أنا شحتاهم

منك يارب حافظ لي عليهم ... البنتين حاولو يهدوني وقالت ابنتي الكبرى والتي تحدثت معه

دى حاجه بسيطه أرد يابنتي وشك وانتي بتكلميه بيقول غير كده ابني حصل له آيه؟


مفيش حاجه ياماما الموضوع إن سواق الميكروباص جابهم من طريق الشرق الجديد وعلي بعد 25كيلو من


بني سويف قال لهم الأجرة12جنيه ولأن الأجره 8جنيهات فقط والمعروف ان السواقين بيطلبو 10


جنيه فقال أبني هي 10جنيه بس وتحمس شاب وقال انا مش ح دفع غير 10جنيه ... وقف السواق


ولبس بونيه حديد في إيد ومطوه في الإيد الثانيه وراح ماسك في رقبة الشاب ودى بونيه ودى مطوه


في الوقت ده محمد اتزحلق لتحت وقد كان جالسا علي الكنبه الخلفيه وإتصل بنا ..... لأن مفيش واحد من حوالي 13راجل


قدر يتحرك من مكانه ...ويقول للسواق انت بتعمل ايه!

وقال مفيش حاجه قال انتي مستنيه ايه اخوكي في خطر

إعملي معروف السكر والضغط يعلو ياماما وتبقي مشكله

سكر اااإيه وضغط آيه انا في المصيبه دى انا عايزه إبني

في نفس الوقت قمنا بالإتصال بكل من المعارف من الضباط والعساكر وأمناء الشرطه .....


وإنتظرنا مكلمه أخرى من محمد لنعرف أخر التطورات قال هامسا قال السواق بيقول انا حعرف


اخد حقي منكم إزاى ومازال رقبة الشاب بين زراع السائق الهمام...ولا حراك للساده الركاب


المهم قال شاب أخر موجود بصوت عالي ياجماعه ماتقلقوش أخ موجود معانا إتصل بي اقاربه


من الضباط وبعتو عربيه نجده ..... ماهي إلا لحظات وترك السائق رقبة الشاب المسكين


وقد تلطخت ملابسه بالدماء ....وقال السائق ياجماعه انا قلب ابيض انا مش خايف من حد


هي ساعة شيطان ... الأول اودى الأخ ده المستشفي وانا تحت امركم حوصل كل واحد فيكو لغاية بيته


نسيت احكي جاء زوجي من مشوار علم بالخبر فتح درج المطبخ واخد معاه سكين وجرت الإبنه الكبرى


مع أبوها ومعها قصافه وطار زوجي بالسياره مسرعا ... إتصلت بأبني الكبير وهوأكبرهم وعلمته بالخبر


ولأن مديرية الأمن أمامه فذهب للإبلاغ فلم يجد إهتمام ... ياجماعه انا محامي وجي ابلغ عن واقعه حصلت



وعايز حد اتكلم معاه॥ أصل مفيش حد هنا ॥ حاضرة الصول بيقول

إستعدإبني لطلب رقم سأله حاضرة الصول


النوباتشي وحتتصل بمين بقي قاله بالعميد فلان ...قام حضرة الصول النوباتشي مؤديا التحيه


الباشا في أسوان إحنا نقوم بالواجب ياسعادة البيه هوقريب سعادتك ...رد أبني معرفه وثيقه وزى


متقول كده نسب وأبقي محامي العيله اى خدمه علشان الباشا معرفه انا في غني عن خدماتك


وأستقل إبني سيارته ومشي بها في طريق الشرق الجديد ولم يلاحظ دنو البنزين علي النفاذ


جائه إتصال من أخته خلاص إحنا دلوقت علي الكوبرى والميكروباص أمامنا


أبني الحمد الله تصدقي البنزين علي وشك يادوب يرجعني ......


كل ده وأنا قلبي قلقان علي الجميع وأدعو لهم بالعوده سالمين .......


ورجع الجميع بفضل من الله العلي القدير وحمدالله علي سلامتهم....


دون تحرك أحد من الركاب بعمل محضر أوإتخاذ أى إجراء أو حتي الإستعداد


للإدلاء بالشهاده ....وجائنا تليفون من القسم بأنه تم تقفيل المحضر


وحتي لم يذهب أ حد للإطمئنان علي الشاب المصاب الذى اصر السائق الهمام أن يوصله


للمستشفي بنفسه حتي ولو كان هذا علي حساب نفسه ولم يعلم أحد هل أدلي الشاب في المحضر


بما حدث وأتهم السائق بالإعتداء عليه؟ الإجابه أشك



ولي أن أسأل ماذا حدث للناس حوالي 13شاب لم يكن بهم ولد شارب من لبن امه يهجم عليه


ماذا لو طلع عليهم قطاع طريق وهذا الطريق مظلم وصحراء وقطعهم ولامن شاف ولا من درى


ليه منلتزمش بالتسعيره ... وليه المرور ميفتش السائق والعربيه لتأكد من عدم وجود أسلحه


بيضاء وخلافه حتي لو كان حجة السائق الإحتفاظ بها للدفاع عن النفس


ليه أنا إكتفيت بالإطمئنان علي ابني ... ولم يذهب احد منا للإطمئنان علي الشاب المصاب

آيه السلبيه دى حتي مني

وأرجع للمقطع الأول هل لهفتي وخوفي علي أولادى مبالغ فيه وعدم احتكاكهم بالحياه

وخصوصا الإبن الصغير يعد خطأ في التربيه والمفروض اسيبه يتكحرت بالغة العصر

وإلي متي ستظل محافظات الصعيد طارده لأبنائها لعدم وجود فرص عمل مناسبه

أسأله كثيره شلة تفكيرى ومازلت أشعر بأنني سلبيه إذاء هذا الموقف وأشعر بالتقصير في حق أولادى

فلم أعلمهم فن التعامل مع هذا الواقع الذى لاأعرف له وصف وكيف أعلمهم التعامل مع هذا الواقع

أنا أعاني من جهلي بفن البلطجه وأخذ الحق بالدراع ॥وأفضل المشي بجانب الحيط وقول لها داريني

مثلي مثل كثيريين من ركاب المكروباص قصدى من المصريين

وسأل نفسي هو آيه اللي حصل؟

النكته إكتشفت إن زوجي واخد معاه سكينة السفره وبنتي وخده قصافه ليس بها غير مبرد

آيه الحلاوه دى قوات كوماندوز ॥ ايه الهنا اللي انا فيه ده معايا شبيحه في البيت .....

شوفتو الهنا اللي انا فيه حتي وإحنا عايزين ندافع عن نفسنا مش عارفين آيه هي الأداه

المناسبه ؟ قدآيه إحنا أغلب من الغلب والغلب يقف لنا إحترام....

ممكن تجوبو عليه هو آآآآآآآآيه اللي حصل ؟

تحديثات اتعملت لبلوجر من حوالى شهر ونسيت اكتب عنها خالص
بس لازم يكون البلوج فى وضع ال

Blogger Draftا

دخل ع اللينك بتاع البلوجر درافت عادى هتدخل عادى على ال Dash boardو اللى هى لوحة التحكم تعمل صح على الاختيار الى فوق ده
من ضمن التحديثات المهمه جدا الى اتعملت انك تاخد نسخة احتياطيه من البلوج البوستات كلها بالتعليقات وتحفظها عندك على جهازك وعشان تقدر تعمل الخطوة هتختار

Dashboard -> Settings -> ُExportه

يظهر عندك نافذة تبقا اطمنت ع نسخة احتياطية للبلوج عشان لو حصل اى ظرفوفى حالة انك حبيت تسترجها هتختارइंपोर्ट

نقلا عن مدونة

http://ana-w-mypc.blogspot.com/2008/08/blog-post.html?showComment=1227549300000#c6519037822799280477

وورد برس

بصوا
الاول ندخل على موقع وورد برس بس دوت كوم مش اورج
وبعدين بعمل صاين اب واعمل اكونت هناك واللى عايز اللغة العربية يختارها من موضع اللغة
واول ما ينشط الاكونت بدخل عادى كمستخدم بتتفتح صفحة بها كلمة اسمها داش بورد انجليزى او ادارة المحتويات عربى
بها تابه ايمبورت او استيراد يعنى بدخل على صفحة بكتب فيها اليو ار ال بتاع المدونة بالظبط اللى فى بلوجر وبضغط على زرار استيراد وبعد ان تتم العملية بنجاح يبقى بس خلاص كده مبروك المدونة راحت على وورد برس مع احتفاظ المدونة الاساسية بتاعة بلوجر

من أرشيف حياتي ابي رحمة الله عليه

(ابيرجل يحمل ملامح مصريه له وجه أسمر من اثر الشمس


عينان وسعتان لونهم لون العسل الرائق وأهداب طويله

في صفين يتراسى وكأنهم جنود عينو لحراثة تلك العينان الجميلتان

لسانه لايعرف الا القول الطيب لا يجلس في مجلس نميمه ॥ له

قلب أرق من زهرة الياسمين । ويدان معطأتان حانيتان وعقل راجح

له من الحكمه خلاصة تجارب السنين ...

عند قرب زفافي قال يابنيتي الزواج عهد وميثاق يجب ان يحترم

في بيت ابيك مدلله تكلي لقمه وترمي عشره في بيت زوجك انتي

مسئوله عن ماله تعيشي علي قدر أمكانته الماديه اياك أن تشكي لأحد

بأن زوجك لاينفق عليك كما يجب أصبرى حتي يفتح الله عليه ...

لاتفجيئيه حال دخوله عليك بأخبار غير ساره أو مشاكل حدثت اثناء غيابه

لأنك لاتعلمي ماذا تعرض له من ضغوط اثناء يومه .... وحقولك نصيحه

فيه واحده تضرب العصايه وواحده العصايه تضربها .....العاقله اللي تفهم طبع

جوزها وترضي بالمقسوم وتصبر ربنا يكرمها وتعيش في سلام واللي تطول لسانها

وتعلي صوتها ومتحفاظ علي اسرار بيتها العصايه تضربها انا لست مؤيد لفكره الضرب

ولكن ده مثل مقصود منه توضيح الفرق بين الزوجه العاقله صاحبة البيت الهادى المستقر والأخرى

الشعنونه وحياتها المضطربه ومشاكلها المتداوله عند الأهل والجيران....

من السهل اقولك بيت ابوك مفتوح فأى وقت وان عمل لك حاجه تعالي الكتف ده زاد والكتف ده ميه

اهلا بيكي زائره لكن غضبانه لأ ॥إحنا بنجوز علشان نعمر مش علشان نخرب علي نفسنا


والنتيجه زياده معدلات نسبه الطلاق نتيجه عدم الحكمه من الأهل وقلة تجربة الزوجين


وينتقل موضوع الخلاف من الزوج والزوجه الي خلاف بين العائلتين والموضوع يكبر


وخلع وطلاق وعيال تتشرد وبيوت تتقفل ومأسي إحنا في غني عنها لو حكمنا عقلنا ...


قال لي طبيب شاب له تجربة زواج فاشله خد المجنونه بنت العاقله ولا تاخد العاقله


بنت المجنونه ومفهوم طبعا هو عايز يقول أيه


ومره تانيه الله يرحمك يابابا

وقال لخطيبي ياأبني اللي بين الراجل ومراته زى القبر وأفعاله يعني محدش يعرف عنكم حاجه


سركم ميخرجش بره عتبة الباب , والتفاهم والموده والمعامله الحسنه تلين الحديد


الله يرحمك يابابا


بقول ده علشان الأهالي اللي بيدخلو في حياة اولادهم وبيشجعوهم علي خراب بيتهم

نقلا عن مدونة جبهة التهيس الشعبية ولونى مش فاهمة بس حاسة ان الموضوع مهم ولازم يبلغ

2008

عاجل لكل المدونين
مدونتي هي تالت مدونة بعد http://www.epitaph-87.blogspot.com/وشهروزةوبعدين انا، انا باقترح اننا نحدد ساعة صفر، بعد ما نكون نقلنا كل مدوناتنا على وورد برس، نحدد ساعة صفر ونتفق على ساعة كلنا في لحظة واحدة نلغي مدوناتنا من على جوجل، لان احمد البوهي بقى بيطلع له الرسالة الجديدة دي كمانقلتوا ايه؟ الحاضر يعلن الغايبالنهاردة ايه؟ 19 نوفمبرطيب نديهم عشر ايام كويس؟ وللا كتير عشر ايام؟انا في انتظار اقتراحاتكوا وبعدين نشوف ح نعمل ايه، اهم حاجة كل واحد فيكوا دلوقت حالا يروح يعمل امبورت لمدونته
مرسلة بواسطة جبهة التهييس الشعبية في 09:06 ص

معلومه محتاجه تفسير

كان هناك في العائله سيده عجوز قالت لي إن اول مره حاجة فيها كانت بجمل

هي دلوقت عليها رحمة ربنا الكلام ده كان سنة 72المهم إنها قالت لي عندما علمت

بقرب موعد ولادة إبنتها طلبت إحضار وطواط وفي حال خروج حفيدتها للحياه ذبحت

الوطواط وغطت جسم المولوده بدمه و هو مازال سخن ماعدا الرأس و منطقة العين

وده علشان يمنع ظهور الشعر في جسم الحفيده ...

أنا بسأل دلوقت علشان فيه ناس إتكلمت في الموضوع ده امامي من فتره

أريد أن أعرف رأى العلم في هذا الموضوع ومدى صحته وإن كان فعلا ذات فائده

فلماذا لم يتدخل العلم للأستفاده منه ...

وأيضا مرارة الماعز يضاف إليها نشادر وماء أوكسجين بمقادير معينه ...

هل هذا يعد من الوصفات البلديه وماالأثار الجانبيه نتيجة التعامل مع دم الوطواط

أو مرارة الماعز

ولكم جزيل الشكر॥