الأربعاء، 1 أبريل، 2015

يعني إيه دفا
كتر الغطا مش هو الدفا
الدفا حضن بيت ارضه أمان
 وسقفه رضا
الدفا كلمه صادقه طيبه
بالحب متغلفه
وإيد تطبطب علي الإلم
فيها الشفا
الدفا إنك تكون بين قلوب
عليك مدفدفه
الدفا في مشاعر تدوب
حنان جوانا مستفه
الدفا في عيون بتنطق بالكلام
وقلوب مليانه وفا
الدفا في ضحكه بريئه وسط
نفوس كارهه نفسها ومتعجرفه
الدفا لما أفكر في حب غايب
نسي الخصام وعني عفا
الدفا إحساس جميل و نعمه من ربنا 
بقلم/
وفاء بركات